Еуразиялық экономикалық одақ елдерінің үкімет басшыларына Еуразиялық экономикалық комиссия шешімдерінің жобалары мен Еуразиялық экономикалық одақ аясындағы халықаралық шарттар жобаларының реттеушілік әсерін бағалау (РӘБ) рәсімдеріне жүргізілген мониторинг, сондай-ақ 2024-2025 жылдары ЕЭК қабылдаған шешімдерінің нақты әсерін бағалау (НӘБ) туралы есеп ұсынылды.
Бұдан басқа, есепте Одақ аясындағы халықаралық шарттардың жобаларына қатысты РӘБ жүргізудің және Комиссия қабылдаған шешімдерге НӘБ рәсімін енгізудің алғашқы нәтижелері туралы ақпарат ұсынылған."2024-2025 жылдары алдыңғы екі жылдық кезеңмен салыстырғанда ЕЭК-тің жаңа шешімдерін қабылдауды көздейтін ЕЭК шешімдерінің РӘБ рәсімінен өткен жобаларының үлесі 15,3%-дан 21,2%-ға дейін ұлғайды. Бұл ЕАЭО-ға мүше мемлекеттердің Комиссияға берген реттеушілік өкілеттіктерді іске асыру қызметінің жандана түскенін көрсетуі мүмкін", – деп атап өтті ЕЭК экономика және қаржы саясаты министрі Бақыт Сұлтанов.
"Бизнесті жүргізу жағдайларына ықпал етуді бағалау тетіктерін кеңейту ЕАЭО елдерінің іскер топтарының еуразиялық экономикалық интеграция процестеріне қатысу деңгейін арттыруға ықпал етеді", – деп атап өтті ЕЭК экономика және қаржы саясаты министрі Бақыт Сұлтанов.
РӘБ – ЕЭК шешімдері жобаларының және ЕАЭО аясындағы халықаралық шарттар жобаларының кәсіпкерлік қызметті жүргізу шарттарына әсерін бағалау рәсімі. РӘБ рәсімі екі кезеңнен тұрады: ағымдағы бағалау – ЕЭК шешімінің жобасын және ЕАЭО аясындағы халықаралық шарттың жобасын ЕАЭО сайтында ұзақтығы кемінде 30 күнтізбелік күн жария талқылау және қорытынды бағалау – ЕЭК арнайы құрылған жұмыс тобының РӘБ туралы қорытынды дайындауы.
НӘБ – ЕЭК қабылдаған шешімдерінің кәсіпкерлік қызметті жүргізу жағдайларына әсерін бағалау рәсімі, ол сондай-ақ ағымдағы бағалау кезеңінен және қорытынды бағалау кезеңінен тұрады.
Көрсетілген рәсімдерді жүргізу кезінде ЕАЭО елдері бизнесінің ұстанымы ескеріледі.
