Еуразиялық экономикалық комиссияның Еуразиялық экономикалық одақта химия өнеркәсібі саласындағы ынтымақтастықты дамыту, сондай-ақ "2019-2023 жылдардағы ЕАЭО-дағы аз тоннажды химия саласына шолу" дайындау бойынша жүргізіп жатқан жұмысы шеңберінде Еуразиялық экономикалық комиссияның Өнеркәсіптік саясат департаментінің делегациясы "Сколково" инновациялық ғылыми-технологиялық кешені базасындағы ресейлік LABADVANCE компаниясының зертханасына барды.

Компания микрофлюидті чиптердің бірегей технологиясын әзірледі, соның арқасында ауданы бір шаршы метрден аспайтын шағын зертханаларда да аз тоннажды химияның жаңа өнімдерін жасауға болады. Бұл ретте химиялық процестер әуелгі шикізаттың барынша аз көлемін пайдалана отырып, микрочип ішінде модельденген жағдайда жүреді.

Өнеркәсіптік саясат департаментінің делегаттары LABADVANCE компаниясының өкілдеріне ЕАЭО елдерінде пайдаланыла бастайтын өнеркәсіптік кооперацияны қаржыландырудың жаңа механизмін қолдану мүмкіндіктері туралы айтып берді.

"Өнеркәсіптік кооперацияны қаржыландыру механизмін пайдалану Одақта аз тоннажды химия сегментін дамытудың және сынамды маңызы бар өнім шығару бойынша импортты алмастыратын өндірістер құрудың қуатты құралы бола алады", – деп атап өтті ЕЭК Өнеркәсіптік саясат департаменті директорының орынбасары Георгий Арзуманян.