ЕЭК Интеграция және макроэкономика жөніндегі министрі Данияр Иманалиев пен Тайланд Корольдігінің Ресей Федерациясындағы Төтенше және Өкілетті Елшісі Сасиват Вонгсинсаваттың кездесуінде Еуразиялық экономикалық комиссия мен Таиланд Үкіметі арасындағы өзара іс-қимылдың перспективалық бағыттары талқыланды.
ЕЭК министрі ЕАЭО елдері мен Тайланд бизнесі арасындағы жүйелі диалогты, соның ішінде бірлескен семинарлар, конференциялар мен бизнес-форумдар форматында дамытудың жақсы мүмкіндіктеріне назар аударды."ЕАЭО елдері мен Тайланд арасындағы сауда-экономикалық ынтымақтастықтың даму әлеуеті жоғары. Цифрландыру, көлік және логистика, кедендік және техникалық реттеу, технологиялық және инновациялық даму саласындағы диалогты кеңейту өзара қызығушылық тудырады. Осы және өзге де басты бағыттар 2027 жылы ЕЭК пен Тайландтың жұмыс тобының үшінші отырысының назарында болады", — деп атап өтті Данияр Иманалиев.
Сасиват Вонгсинсават елдің логистика, инфрақұрылым және инновациялар саласындағы өзекті жобалары туралы айтып, сондай-ақ Тайланд тарапының Еуразиялық "бестіктің" әрбір елімен ынтымақтастықты дамытуға деген жоғары қызығушылығын атап көрсетті.
Данияр Иманалиев Тайландтың ресми және іскер топтарының өкілдерін 2027 жылы Бішкекте өтетін VI Еуразиялық экономикалық форумға қатысуға шақырды.
Кездесу ЕЭК Алқасының Төрағасы Бақытжан Сағынтаев пен Тайланд Премьер-министрінің орынбасары және Сыртқы істер министрі Сихасак Пхуангкеткеоудің 13 тамыздағы кездесуі барысында қол жеткізілген уағдаластықтарды дамытуға орай өтті.
