Ол Еуразиялық экономикалық одақтың іскер топтар үшін интеграциялық әлеуетін барынша ашуды қамтамасыз ететін практикалық механизмдер туралы айтып берді. Бизнесті интеграция процестеріне тартудың маңыздылығына ерекше назар аударылды.
"Ағымдағы жағдайда іскер топтардың интеграциялық процестерге тартылуы ЕАЭО елдері экономикасының бәсекеге қабілеттілігін қамтамасыз ету үшін өте маңызды элементке айналады. Өз тарапынан ЕЭК әрқашан кәсіпкерлік қоғамдастықпен қарқынды және ашық өзара іс-қимыл жүргізуге ықыласты екенін растайды", – деп атап көрсетті Ернар Бәкенов.
Департамент директоры халықаралық аудиторияға бизнестің, мысалы, реттеуші әсерді бағалау (РӘБ) және нақты әсерді бағалау (НӘБ) рәсімдері сияқты Одақтағы заңшығарымға тікелей әсер ету құралдарын таныстырды. Ол кәсіпкерлердің өзекті проблемаларын шешуді және интеграцияның бизнес жүргізуге деген оң әсерлерін қоса, қатысушыларды Комиссия жұмысының нақты нәтижелері туралы хабардар етті.
Ернар Бәкенов кооперациялық жобаларды қолдау арқылы интеграциялық күн тәртібін нақты экономикалық мазмұнмен толтыруға, сондай-ақ қарымды сауда әріптестерімен өзара іс-қимыл жасау есебінен ЕАЭО елдері компанияларының экспортын кеңейту үшін мүмкіндіктер жасауға жеке тоқталды.
Сөзін қорытындылай келе, ЕЭК өкілі диалогқа қатысқан кәсіпкерлер мен инвесторлардың сұрақтарына жауап беріп, Комиссияның іскерлік қоғамдастықтың сұрауларына практикалық бағдарлануын растады.