"ИННОПРОМ" халықаралық көрмесі шеңберінде болып өткен "ЕАЭО-дағы өнеркәсіптік кооперация және технологиялық ынтымақтастық: қолдау механизмдері және жаңа мүмкіндіктер" атты дөңгелек үстелде Еуразиялық экономикалық одақ шеңберінде өңіраралық өнеркәсіптік кооперацияны дамыту және оған өңірлердің кәсіпорындарын тарту мүмкіндіктері қаралды. 

"Өңірлік деңгейде негізгі өндірістік құзыреттер, ғылыми-технологиялық әлеует және кооперациялық жобалардың бастамашы кәсіпорындары шоғырланған. Осыған байланысты өңіраралық ынтымақтастықты одан әрі дамыту Одақ шеңберінде өнеркәсіптік кооперацияны кеңейтудің басты талапшарттарының бірі ретінде қарастырылады", – деп атап өтті Еуразиялық экономикалық комиссияның Өнеркәсіп және АӨК жөніндегі министрі Гоар Барсегян.