Қазақстан Республикасының Президенті Қасым-Жомарт Тоқаев 8 желтоқсанда Ақордада Еуразиялық экономикалық комиссия Алқасының Төрағасы Бақытжан Сағынтаевты қабылдады.

Мемлекет басшысы ЕЭК қызметінің негізгі қорытындылары мен бағыттары туралы баяндаманы тыңдады.

Кездесу барысында Еуразиялық экономикалық одақтың ағымдағы жай-күйі және одан әрі дамыту перспективалары талқыланды.

Әңгімелесу кезінде Қазақстан Республикасының 2026 жылғы ЕАЭО органдарындағы төрағалық ету басымдықтарына айрықша назар аударылды.

Қасым-Жомарт Тоқаев сондай-ақ 21 желтоқсанда Санкт-Петербургте өткізу жоспарланған Жоғары Еуразиялық экономикалық кеңес отырысына дайындық барысы туралы хабардар етілді.