Жаңалықтар
ЕЭК Алқасы ЕАЭО елдерінде кәсіпкерлікті дамыту үшін қолайлы бәсекелестік орта қалыптастыру жөніндегі ұсыныстарды талқылады
Құжат Комиссияның, ЕАЭО елдерінің мемлекеттік органдары мен сауда-өнеркәсіп палаталарының бірлескен жұмысының нәтижесі болды. Ол Одақ мемлекеттерінің мемлекеттік қолдау механизмдерін, қолайлы бәсекелестік ортаны дамыту құралдарын қолдану, сондай-ақ кәсіпкерлік субъектілерін шағын және орта бизнеске жатқызу критерийлерін айқындау бөлігіндегі тәжірибесін талдауды өзіне кірістіреді. Баяндамада сондай-ақ бәсекелестікті дамытудағы шағын және орта кәсіпкерліктің (ШОК) рөлін арттыру жөніндегі халықаралық тәжірибе, бірқатар шет елдердегі ШОК субъектілерін қолдаудың институттары мен нысандары зерделенген. ЕЭК Бәсекелестік және монополияға қарсы реттеу жөніндегі министрі Бақыт Сұлтановтың сөзінше, халықаралық тәжірибені талдау ШОК-ты бір ғана қаржылық қолдау тиімсіз екенін көрсетті. "Қаржыландыру тиімді, тіршілікке қабілетті бизнес құруға өзінен өзі кепілдік бермейді. Кәсіпкерлік бастамаларға сұранысты дамытуды қамтамасыз ететін реттеуді және инфрақұрылымды жасаған маңызды",- деді ЕЭК министрі.
Баяндама шеңберінде тұжырымдалған қолайлы бәсекелестік ортаны қалыптастыру жөніндегі ұсыныстар алты ірі блоктан тұрады. Бұл бизнеске бағдарланған институционалдық және нормативтік базаны құру, баяндама авторларының пікірінше, өнеркәсіптік және инновациялық кластерлер ұсынуы мүмкін инфрақұрылымды дамыту жөніндегі ұсыныстар, қаржыландыруға, кәсіби білімге және инновациялық активтерге қолжетімділік.
Бақыт Сұлтанов шағын бизнес субъектілерінің қосылған құнның жаһандық тізбегіне интеграциясының маңыздылығын атап өтті. Оның сөзінше, ірі компаниялар мен шағын кәсіпорындар арасында, соның ішінде өнеркәсіптік және инновациялық кластерлерді, сондай-ақ цифрландыру мүмкіндіктерін пайдалана отырып, өзара шарт жасасу жүйесін ендіруге жәрдемдесу қажет.
Басқа ұсыныстармен қатар, ШОК-ты қолдаудың қазірдің өзінде енгізілген шараларының тиімділігіне мониторинг жүргізу қажеттілігі атап өтілді, бұл олардың тиімділігіне көз жеткізуге және қажет болған жағдайда бағытты түзетуге мүмкіндік береді.
Баяндама ұсынымдық сипатқа ие және оны Одақ мемлекеттері ШОК-ты, соның ішінде институционалдық сипаттағы қолдау шаралары туралы ақпаратты жүйелейтін құжат ретінде пайдалануы мүмкін.
