ЕЭК Энергетика және инфрақұрылым жөніндегі министрі Арзыбек Кожошев ЕЭК Алқасына ЕАЭО шеңберінде "бестік" елдерінің азаматтары болып табылатын жолаушыларды теміржол көлігімен тасымалдауға, сондай-ақ Одақ мемлекеттерінің теміржол көлігін пайдалана отырып, Еуразиялық туристік маршруттарды дамытуға әсер ететін рәсімдерді жеңілдетуге бағытталған шаралар туралы ұсыным берді.

 

Құжат 2024-2026 жылдарға арналған көлік саясатының негізгі бағыттарын іске асыру бойынша "жол картасын" орындау шеңберінде дайындалды және халықаралық теміржол қатынасында жолаушылар тасымалын дамытуға, жолаушыларға қызмет көрсету деңгейін арттыруға, сондай-ақ теміржол көлігін ЕАЭО елдеріндегі туристік индустрия жүйесіне қосуға бағытталған.

Ұсынымдар тікелей тасымалдау процесін, жылжымалы құрамның сапасын, терминалдық (вокзалдық) қызмет көрсетуді, электрондық билеттеуді, поездардың қозғалыс кестелерін көліктің басқа түрлерімен байланыстыруды қоса, ұтқырлық үшін теміржол көлігін пайдаланатын жолаушыларға жаппай қызмет көрсету жүйесін жетілдірудің перспективалық бағыттарын, сондай-ақ теміржол көлігін пайдалана отырып, Еуразиялық туристік маршруттарды дамыту жөніндегі ұсыныстарды қамтиды.

Бұдан әрі ұсынымдар теміржол жолаушылар тасымалын жедел дамытуға, соның ішінде жолаушыларға қызмет көрсету кезінде цифрлық технологияларды ендіру, құқықтық реттеуді жетілдіру және теміржол жолаушылар тасымалын дамыту бөлігінде мүше мемлекеттер бағыттарының келісілуін қамтамасыз ету есебінен жәрдемдесетін болады.