қаз

Жаңалықтар

ЕЭК БАҚ-та Фото Бейнегалерея
24 сәуірдің 2025 ЕАЭО елдері орташа әлемдік деңгейден жоғары экономикалық өсу қарқынын сақтады Интеграция және макроэкономика жөніндегі министр Эльдар Алишеровтің төрағалық етуімен өткен Макроэкономикалық саясат жөніндегі консультативтік комитеттің отырысында әлеуметтік-экономикалық дамудың қорытындылары мен перспективалары және мүше мемлекеттердің макроэкономикалық саясат саласында қабылдаған шаралары туралы 2024 жылғы баяндама қаралды. 2024 жылдың қорытындысы бойынша экономикалық өсу қарқыны орташа әлемдік деңгейден асып түсті: жиынтық ЖІӨ 4,4% артты. Түйінді макроэкономикалық көрсеткіштердің көпшілігі оң серпін көрсетті. Мүше мемлекеттер қабылдаған шаралар макроэкономикалық тұрақтылықты қамтамасыз етуге, теңгерімсіздіктерді уақытылы алдын ала ескертуге және реттеуге бағытталған. Отырыста Еуразиялық экономикалық одақ мемлекеттерінің экономикалық дамуының орнықтылығын айқындайтын макроэкономикалық көрсеткіштер мониторингінің нәтижелері ұсынылды. Жалпы ЕАЭО елдерінің көпшілігінде бюджеттік және борыштық орнықтылық сақталатыны атап өтілді. Сонымен бірге баға тұрақтылығына қол жеткізу мүше мемлекеттердің макроэкономикалық саясаты басымдықтарының бірі болып қала береді. Отырысқа қатысушылар болжау жүйесіне орайлас тәсілдемелерді жетілдіруде әлеуметтік-экономикалық дамудың ресми болжамдарын дайындау үшін пайдаланылатын болжамдардың сыртқы параметрлерінің аралық сандық мәндерін келісу тәртібіндегі өзгерістерді талқылады. Макроэкономикалық саясат жөніндегі консультативтік комитет Еуразиялық экономикалық одақ шеңберіндегі келісілген макроэкономикалық саясат мәселелері бойынша қорытындылар, ұсыныстар, ұсынымдар дайындауды және консультациялар өткізуді қамтамасыз ететін Комиссия Алқасы жанындағы консультативтік орган болып табылады.  ЕАЭО туралы шарттың 63-бабына сәйкес экономикалық дамудың орнықтылығын айқындайтын макроэкономикалық көрсеткіштерге инфляция деңгейі, мемлекеттік басқару секторы бюджетінің тапшылығы және мемлекеттік басқару секторының борышы жатады.
ЕАЭО елдерінде іскер белсенділіктің оң серпіні сақталуда 26 ақпанның 2025 ЕАЭО елдерінде іскер белсенділіктің оң серпіні сақталуда Сай келетін және озыңқы индикаторлардың жаңартылған есебіне сәйкес Еуразиялық экономикалық одақтың барлық елінде экономикалық белсенділіктің оң серпіні сақталып отыр. Қазақстан Республикасының, Қырғыз Республикасының және Ресей Федерациясының экономикасы іскерлік белсенділіктің өрлеу кезеңінде, Армения Республикасы мен Беларусь Республикасының экономикасы — баяулау кезеңінде. Наурызда Комиссияның бағалауы бойынша Беларусьта, Қазақстанда және Қырғызстанда ағымдағы үрдістер сақталады. Ресей экономикасы іскерлік белсенділіктің шыңынан өтеді, содан кейін ол біртіндеп баяулайды, Армения үшін одан әрі баяулау күтіледі. Озыңқы индикаторлар Комиссияның қысқа мерзімді перспективада еуразиялық «бестік» елдеріндегі іскерлік белсенділіктің өзгеру серпінінің бағыты туралы идеяны қалыптастыру үшін қолданатын болжау құралы болып табылады. Олар экономикалық агенттердің мінез-құлқын айғақтайтын және экономикадағы негізгі трендтерді көрсететін қысқа мерзімді процестер туралы неғұрлым маңызды ақпаратты жинақтайды.
Комиссия ЕАЭО елдеріндегі іскер белсенділік серпіні өзгергенін атап өтеді 03 ақпанның 2025 Комиссия ЕАЭО елдеріндегі іскер белсенділік серпіні өзгергенін атап өтеді Еуразиялық экономикалық одақ елдеріндегі іскер белсенділік серпінінің өзгергенін сәйкес келетін және озыңқы индикаторларды есептеу нәтижелері айғақтайды. Жарияланған болжамдарға сай, Қазақстан мен Қырғызстан экономикасы көтерілу кезеңінде қалады, Ресей мен Беларусь баяулау кезеңіне өтті. Армения іскер белсенділіктің көтерілу кезеңінен төмендеу кезеңіне өтті. 2025 жылғы ақпанда мүше мемлекеттердің экономикасында ағымдағы үрдістер сақталады деп күтілуде. Озыңқы индикаторлар қысқа мерзімді перспективада Еуразиялық "бестік" елдеріндегі іскер белсенділіктің өзгеру серпінінің бағыты туралы түсінік қалыптастыру үшін Еуразиялық экономикалық комиссия қолданатын болжау құралы болып табылады. Олар экономикалық агенттердің мінез-құлқын және экономикадағы негізгі трендтерді айғақтайтын қысқа мерзімді процестер туралы неғұрлым маңызды ақпаратты жинақтайды.  
31 қаңтардың 2025 ЕАЭО-ның экономикалық өсу қарқыны екі жыл қатарынан орташа әлемдік деңгейден жоғары Еуразиялық үкіметаралық кеңес Еуразиялық экономикалық одақ мемлекеттеріндегі макроэкономикалық жағдаят және Еуразиялық экономикалық комиссия жыл сайын ЕАЭО елдеріне ұсынатын орнықты экономикалық дамуды қамтамасыз ету жөніндегі ұсыныстар туралы баяндаманы қарады. ЕЭК Интеграция және макроэкономика жөніндегі министрі Эльдар Алишеров өңірдегі сауданың, көлік-логистика маршруттарының, еңбек көші-қонының және қаржы ағындарының жаңа конфигурациясы белсенді экономикалық саясатпен қатар ЕАЭО-дағы экономикалық өсудің ынталандырмасы болғанын атап өтті. Оның сөзінше, Одақтағы сауда, қаржы және өндірістік байланыстар орнықтылықты, ал экономика жаңа өзгермелі жағдайларға бейімделу мүмкіндігін көрсетті. ЕЭК-тің алдын ала бағалауы бойынша, 2024 жылы ЕАЭО-ның жиынтық ЖІӨ 4% өсті, бұл орташа әлемдік өсу қарқынынан (3,2%) және бастапқы болжамдардан жоғары. Өзара тауар саудасының құндық көлемі 2024 жылы басқа интеграциялық бірлестіктердегі сыртқы және өзара саудамен салыстырғанда жоғары қарқынмен өсе түсті және 2026 жылға қарай шамамен 100 млрд АҚШ долларына жетеді. Эльдар Алишеров экономикада табыс деңгейінің өсуіне және конвергенциясына ықпал ететін қолайлы жағдайлар қалыптасқанын атап көрсетті. Бұған соңғы екі жылда қол жеткізілген экономикалық өсудің жоғары қарқыны, капиталдың жинақталуы, сондай-ақ жұмыспен қамту деңгейінің артуы ықпал етті. Жұмыссыздық деңгейі тарихи төмен деңгейге – 3%-ға жетті, инвестициялардың өсуі 8,2%-дан астам — жоғары деңгейде қалып отыр. "Орнықты экономикалық дамуды қамтамасыз етуге телекоммуникация, көлік және электр энергетикасы сияқты желілік салаларға инвестициялардың көбеюі ықпал етуі мүмкін. Олар ең алдымен сауда ағындарын қайта бағдарлаумен байланысты инфрақұрылымдағы "осал жерлерді" еңсеруге, мүше мемлекеттер экономикасының көлік, логистикалық байланысын жақсартуға, еңбек ұтқырлығын қолдауға бағытталуға тиіс", – деп қорытындылады Эльдар Алишеров. Еуразиялық экономикалық одаққа мүше мемлекеттердегі макроэкономикалық жағдаят және орнықты экономикалық дамуды қамтамасыз ету жөніндегі ұсыныстар туралы баяндама Еуразиялық экономикалық одақ туралы шарттың 62-бабына сәйкес жыл сайын дайындалады.  
ЕАЭО елдерінің экономикасы экономикалық өсудің оң серпінін сақтап отыр 23 желтоқсанның 2024 ЕАЭО елдерінің экономикасы экономикалық өсудің оң серпінін сақтап отыр 2024 жылдың 9 айының қорытындысы бойынша Еуразиялық экономикалық одақтың барлық елдерінде жалпы ішкі өнімнің өсуінің оң серпіні байқалуда (Арменияда 6,0%-ға, Беларусьте 4,5%-ға, Қазақстанда 4,1%-ға, Қырғызстанда 8,4%-ға, Ресейде 4,2%-ға), ал осы кезеңде ЕАЭО ЖІӨ-нің өсу қарқыны 4,2%-ға ұлғайды. Одақтың барлық елдеріндегі экономикалық өсудің негізгі көздері көтерме және бөлшек сауда, өңдеу өнеркәсібі және құрылыс болды. Арменияда экономиканың жоғары өсу қарқыны жылжымайтын мүлікпен жасалатын операциялар, Беларусьте және Қазақстанда ауыл шаруашылығы, Қырғызстанда және Ресейде қаржы және сақтандыру қызметі есебінен де қолдау тапты. ЕЭК 2024 жылдың қорытындысы бойынша Одақтың ЖІӨ-нің 4,1%-ға өсуін күтуде. 2024 жылғы қаңтар-қыркүйек айлары ішіндегі жалпы ішкі өнім туралы деректер:
03 желтоқсанның 2024 ЕАЭО елдерінің сарапшылары келісілген макроэкономикалық саясатты жүргізу мәселелерін қарады Интеграция және макроэкономика жөніндегі министр Эльдар Алишеровтің төрағалығымен өткен Макроэкономикалық саясат жөніндегі консультативтік комитеттің отырысында Еуразиялық экономикалық одақ елдеріндегі макроэкономикалық жағдаят және орнықты экономикалық дамуды қамтамасыз ету жөніндегі ұсыныстар туралы баяндама қаралды. Сарапшылардың бағалауы бойынша, Одақ елдерінің экономикасы ағымдағы жылы экономикалық өсудің орнықты қарқынын сақтайды, олар 2024 жылдың қорытындысы бойынша орташа әлемдік деңгейден жоғары болады деп күтілуде. Баяндамада әлемдік экономиканың даму үрдістері, серпіні, сондай-ақ ЕАЭО елдерінің экономикалық даму перспективалары баяндалған. Еуразиялық "бестік" елдерінде бюджеттік және борыштық тұрақтылық сақталатыны да атап өтілген. Сонымен бірге баға тұрақтылығына қол жеткізу мүше мемлекеттердің макроэкономикалық саясаты басымдықтарының бірі болып қала береді. Консультативтік комитеттің отырысында интеграциялық процестердің 2016 – 2023 жылдар ішіндегі ЕАЭО мемлекеттерінің экономикасына әсерін бағалау да таныстырылды. Тараптар атқарылған жұмыстың маңыздылығын атап көрсетті, интеграциялық процестердің әсерін бағалау әдістемесін жетілдіру де жалғастырылады деп шешті. Отырысқа қатысушылар 2025 жылға арналған, макроэкономикалық орнықтылық мониторингінің, интеграциялық әсерлердің әсерін бағалаудың және макроэкономикалық болжаудың қолданылатын әдістемелерін одан әрі жетілдіру мен дамытуды қамтитын бірлескен жұмыс жоспарларын талқылады. Макроэкономикалық саясат жөніндегі консультативтік комитет Комиссия Алқасы жанындағы, Еуразиялық экономикалық одақ шеңберінде келісілген макроэкономикалық саясат мәселелері бойынша қорытындылар, ұсыныстар, ұсынымдар дайындауды және консультациялар өткізуді қамтамасыз ететін консультативтік орган болып табылады.  ЕАЭО туралы шарттың 63-бабына сәйкес экономикалық дамудың орнықтылығын айқындайтын макроэкономикалық көрсеткіштерге инфляция деңгейі, мемлекеттік басқару секторы бюджетінің тапшылығы және мемлекеттік басқару секторының борышы жатады.
ЕАЭО елдерінде жыл аяғында дейін іскер белсенділіктің оң үрдісі сақталады 27 қарашаның 2024 ЕАЭО елдерінде жыл аяғында дейін іскер белсенділіктің оң үрдісі сақталады Сәйкесті және озыңқы индикаторлардың жаңартылған есебіне сай Еуразиялық экономикалық одақтың барлық елінде жыл соңына дейін экономикалық белсенділіктің оң серпіні сақталады. Одақтың көптеген елінде бұрыннан қалыптасқан үрдіс сақталуда: Армения мен Қазақстанда іскер белсенділіктің өсуінің жеделдетілуі, Беларусь пен Ресейде өсудің баяулауы күтілуде. Қысқа баяулаудан кейін Қырғызстан көтерілу сатысына өтті және өсудің одан әрі жеделдеуі болжануда. Озыңқы индикаторлар қысқа мерзімді перспективада Еуразиялық "бестік" елдеріндегі іскер белсенділіктің өзгеру серпінінің бағыты туралы идеяны қалыптастыру үшін Еуразиялық экономикалық комиссия қолданатын болжау құралы болып табылады. Олар экономикалық агенттердің мінез-құлқын және экономикадағы негізгі трендтерді айғақтайтын қысқа мерзімді процестер туралы неғұрлым маңызды ақпаратты жинақтайды. 
ЕЭК Одақ елдеріндегі инфляцияның қазан айындағы деңгейінің мониторингін өткізді 19 қарашаның 2024 ЕЭК Одақ елдеріндегі инфляцияның қазан айындағы деңгейінің мониторингін өткізді Қазан айының қорытындысы бойынша Еуразиялық экономикалық одақ елдеріндегі жылдық инфляция деңгейі: Арменияда 0,6%, Беларусьта 5,9%, Қазақстанда 8,5%, Қырғызстанда 4,8%, Ресейде 8,5% құрады. 2023 жылғы желтоқсанмен салыстырғанда осы жылғы қазан айында Қазақстанда жылдық инфляцияның 1,3 п.п., Қырғызстанда 2,5 п.п. баяулауы, Беларусьта 0,1 п.п., Ресейде 1,1 п.п. инфляцияның біршама үдеуі байқалды, Арменияда дефляцияны инфляция ауыстырды. Тұтыну бағаларының құрылымында инфляцияның баяулауы Қазақстан мен Қырғызстандағы азық – түлік тауарларына, Армения, Қазақстан, Қырғызстан және Ресейдегі азық-түлік емес тауарларға, Беларусь пен Қырғызстанда көрсетілетін қызметтерге қатысты байқалды. Баға тұрақтылығын ұстап тұруға ЕАЭО елдерінің үкіметтері мен орталық (ұлттық) банктерінің тұтыну бағасының өсуін шектеу жөніндегі шаралары ықпал етті. Одақ туралы шарттың 63-бабына сәйкес инфляция деңгейі (тұтыну бағаларының индексі) экономикалық дамудың орнықтылығын айқындайтын негізгі макроэкономикалық көрсеткіштердің бірі болып табылады. Комиссия Одақ елдеріндегі инфляция деңгейіне тұрақты негізде мониторинг жүргізеді.
Тағы да көрсету

ЕАЭО ресурстары