ЕЭК министрі Комиссияның Еуразиялық экономикалық одақтың трансшекаралық нарықтарындағы бәсекелестік ортаны одан әрі дамытуға орайлас тәсілдемелерін ұсынды және ұлтүсті бәсекелестік реттеудің басты бағыттарын белгілеп көрсетті. Бұлардың ішінде — ЕАЭО құқығын жетілдіру, құқық қолдану тиімділігін арттыру, тауарлық және цифрлық нарықтарды талдау, сондай-ақ платформалық экономика мен жасанды интеллектіге байланысты бәсекелестік тәуекелдерді зерделеу бар.
Интеграциялық нәтижесі бар процестерге айрықша назар аударылды. Максим Ермолович ұлтүсті реттеуді дәйекті жетілдірудің, мүше мемлекеттер арасындағы өзара іс-қимылды нығайтудың және бұзушылықтарды алдын ала ескерту мен трансшекаралық нарықтарға қатысушылар үшін тең жағдайларды қамтамасыз етудің бірыңғай тәсілдемелерін әзірлеудің маңыздылығын атап өтті.
"Бүгінгі таңда бұзушылықтарға тиімді түрде орай әрекет етіп қана қоймай, Одақ нарықтарында бәсекелестіктің, адал бизнестің және инновациялардың орнықты дамуы үшін жағдай жасау маңызды", – деген сенімде ЕЭК министрі.
Ол сондай-ақ ТМД елдерінде бұдан арғы іске асыру үшін нысанаға айналатын шешімдер мен ұсынымдарды әзірлеуге мүмкіндік беретін ТМД елдерінің бәсекелестік ведомыстарының кәсіби диалог алаңы ретінде МСМК-тың маңыздылығын атап көрсетті.
