29 мамырда Астанада өткен Жоғары Еуразиялық экономикалық кеңестің (ЖЕЭК) отырысында Еуразиялық экономикалық одақ елдерінің басшыларына 2025 жылғы табиғи монополиялар субъектілерінің қызметін реттеу бөлігінде мүше мемлекеттердің іс-шаралары туралы жылдық шолу баяндамасы ұсынылды.
Баяндамада ЕАЭО елдерінің заң шығару жұмысы және олардың осы бағыттағы реттеу практикасы, сондай-ақ интеграцияны тереңдету жөніндегі бірлескен жоспарлары көрсетілген.
Құжатта Еуразиялық экономикалық комиссияның мүше мемлекеттердің заңнамасының Табиғи монополияларды реттеу бөлігінде ЕАЭО туралы шартта белгіленген қағидаттарға және қағидаларға сәйкестігі тұрғысынан жүргізген мониторингтің аралық қорытындылары келтірілген. Сондай-ақ, осы саладағы экологиялық аспектілер мен энергия тиімділігіне байланысты мәселелерді шешу тәжірибесіне ерекше назар аударылған.
Жүргізілген жұмыстың қорытындылары мен нәтижелері Одақ елдерінің аталған саладағы одан әрі интеграциясына бағдар болады.
Комиссия Одақ мемлекеттерінің реттеушілерімен бірлесіп жыл сайын баяндама дайындайды және өзінің ресми сайтында жариялайды. Ақпарат (баяндама) Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттаманың 20-тармағының 5-тармақшасына (ЕАЭО туралы шарттың № 20 қосымшасы) сәйкес дайындалады.
