Еуразиялық экономикалық одақ елдерінің үкімет басшылары 2027 жылғы 1 қаңтарға қарай сыртқы электрондық сауданы реттеу бөлігінде ЕАЭО-ның Кеден кодексі туралы шартына Өзгертулер енгізу туралы хаттаманың ережелерін іс жүзінде қолдануға дайындалуды тапсырды.

Қазіргі уақытта хаттаманы ратификациялау Арменияда, Беларуссияда, Қазақстанда және Қырғызстанда аяқталды; құжаттың күшіне енуі Еуразиялық экономикалық комиссия соңғы ратификациялау грамотасын алғаннан кейін күтілуде.

"ЕАЭО Кеден кодексіне енгізілетін түзетулердің басты жаңалығы – сыртқы электрондық сауда аясында сатып алынатын тауарларды жеке санатқа жатқызып, оларды реттеудің өзіндік ерекшеліктерін белгілеу", – деп атап өтті ЕЭК Сауда министрі Андрей Слепнев.

ЕАЭО-ның КК-ге енгізілген өзгертулер салдарынан тәжірибеге жаңа реттеуді енгізу үшін нормативтік құқықтық базаны қалыптастыру, оның ішінде мүше мемлекеттердің ішкі заңнамасы мен ақпараттық жүйелерін дайындау бойынша үлкен жұмыс жүргізілуде.

Сонымен, аталған өзгертулердің күшіне енуімен бірге электрондық сауда тауарларының көпшілігі үшін кедендік баждың бірыңғай мөлшерлемесі 5% мөлшерінде, бірақ бір кг үшін 1 еуродан кем емес мөлшерде қолданыла бастайды, сондай-ақ 200 мөлшерінде бажсыз әкелу шегі бекітілетін болады.