Жаңалықтар

Еуразиялық экономикалық комиссия Алқасы «Машиналар мен жабдықтың қауіпсіздігі туралы» техрегламентке қатысты мемлекетаралық стандарттар әзірлеу жөніндегі бағдарламаның жаңа редакциясын бекітті.

Бағдарламада 142 мемлекетаралық стандарт әзірлеу көзделген, олардың 21-і Беларусь Республикасына (13-ін 2023 жылға дейін және 8-ін 2024 жылға дейін әзірлеу қажет) бекітілген. Қазақстан Республикасы 53 стандарт, олардың 32-сін 2024 жылға дейін және 21-ін 2025 жылға дейін әзірлеуді жоспарлап отыр. Ресей Федерациясы 68 стандарт, олардың 5-ін 2024 жылға дейін, 43-ін 2025 жылға дейін және 20-сын 2026 жылға дейін әзірлейді.

Бұл ретте 64 мемлекетаралық стандарт ISO халықаралық стандарттары негізінде, ал 73-і EN өңірлік стандарттары негізінде әзірленеді.

Бағдарлама Еуразиялық экономикалық одақ мемлекеттерінің ұсыныстарына сәйкес, сондай-ақ 2013 жылы Комиссия Алқасы бекіткен бағдарламаның қолданыстағы редакциясын іске асыру барысы туралы ақпаратты ескере отырып дайындалған.