Еуразиялық экономикалық комиссияның Техникалық реттеу жөніндегі министрі Александр Субботин 27-29 сәуірде Мәскеуде өткен "Реттеушілік практика және дәрілік заттарды тіркеу – РегЛек-2026" конференциясы шеңберінде "Шешімі 2026 жылы неғұрлым өзекті болып табылатын дәрілік заттардың сапасы мен қолжетімділігін қамтамасыз етудің түйінді мәселелері" деп аталатын баяндама жасады.
ЕЭК министрі дәрілік заттардың ортақ нарығы Еуразиялық экономикалық одақтың жетілдірілген құқығына негізделген интеграциялық қалыптасудың жаңа деңгейіне жеткенін атап өтті.
"Құқық қолдану практикасының жинақталған тәжірибесі тіркеу рәсімдерінің тиімділігін арттыруға және ЕАЭО-да дәрілік заттардың ортақ нарығының орнықты жұмыс істеуін қамтамасыз етуге бағытталған реттеуді дамытудың келесі кезеңіне өтуге мүмкіндік береді", — деп атап көрсетті Александр Субботин.
ЕЭК министрі ЕАЭО нормативтік базасын дамытудың басым бағыттарына айрықша назар аударды және биологиялық әрі инновациялық дәрілік препараттарды реттеуді жетілдіру, ЕАЭО Фармакопеясының 1-томының IV бөлігін дайындау және Комиссияның дәрілік заттардың сапасына қойылатын талаптарды біріздендіру жөніндегі қызметінің басқа да бірқатар бағыты туралы айтып берді.
Александр Субботин Еуразиялық экономикалық комиссияның "Еуразиялық интеграцияны дамытуға қосқан жеке үлесі үшін" төсбелгілерін және Одақтың дәрі айналысын реттеу саласындағы құқығын қалыптастыруға елеулі үлес қосқан ЕАЭО елдерінің сарапшыларына Комиссияның Құрмет грамоталарын табыс етті.
"РегЛек" конференциясы фармацевтика саласындағы жыл сайынғы негізгі іс-шараның бірі болып табылады, онда ЕАЭО елдерінің фармацевтика нарығының субъектілері мен реттеушілері дәрі-дәрмек айналысының өзекті мәселелерін қарастырады.
