Еуразиялық экономикалық комиссия Кеңесі Беларусь Республикасы үшін 15 данадан аспайтын және Ресей Федерациясы үшін 155 данадан аспайтын қант қызылшасының пәлеккескіші және қант қызылшасын жинау машиналарына (ЕАЭО СЭҚ ТН коды 8433 53 300 0) қатысты кедендік әкелу бажынан босату түрінде тарифтік жеңілдік беру туралы шешім қабылдады.

"Шара Еуразиялық экономикалық одақтың ауыл шаруашылығы өнімін өндірушілерін қолдауға бағытталған және ұйымдардың тозу деңгейі жоғары техниканы кезең кезеңімен ауыстыру үшін жаңа машиналар сатып алу шығындарын қысқартуға мүмкіндік береді", – деп атап өтті ЕЭК кедендік-тарифтік және тарифтік емес реттеу департаментінің директоры Ваагн Казарян.

Ол 5-10 жыл бұрын өндірілген машиналардың пайдалану шығындары жаңаларына қарағанда 1,5-2 есе жоғары екенін түсіндірді. Осылайша, қант қызылшасын жаңа техникамен жинау дайын өнімді өндіруге жұмсалатын шығындарды айтарлықтай төмендетуге мүмкіндік береді.

Шешім ресми жарияланған күнінен бастап күнтізбелік 10 күн өткен соң күшіне енеді.