Еуразиялық экономикалық комиссия Кеңесі 18 қазандағы отырысында бұрын ЕАЭО мемлекеттерінің басшылары Жоғары Еуразиялық экономикалық кеңес отырысында бекіткен Еуразиялық экономикалық одақ мемлекеттерінің макроэкономикалық саясатының 2024 – 2025 жылдарға арналған негізгі бағдарларын іске асыру жөніндегі іс-шаралар тізбесін қабылдады.

Бекітілген негізгі бағдарлар ЕАЭО ЖІӨ-нің әлемдік экономиканың даму қарқынынан асып түсетін жыл сайынғы өсу траекториясына шығу міндетін қойды. Қойылған міндеттерді шешу үшін Еуразиялық экономикалық комиссия төрт бағытқа топтастырылған іс-шаралар тізбесін әзірледі.

Бірінші бағыт-инвестициялар көлемін ұлғайту үшін қолайлы макроэкономикалық жағдайлар жасау. Екіншісі — ЕАЭО-ның ғылыми-технологиялық әлеуетін дамыту. Үшінші бағытқа мүше мемлекеттердің өндірістік базасын нығайту және нақты сектордағы кооперацияны дамыту жатады. Іс-шаралардың төртінші тобы Одақтың ішкі нарығын дамытуға және экспорттық мүмкіндіктерді кеңейтуге бағытталған.

Тізбеге мүше мемлекеттердің жүзеге асыруы үшін ұсынылған іс-шаралар, Комиссияның бекітілген құжаттың ережелерін орындау жөніндегі іс-әрекеттері, сондай-ақ оларды іске асырудан күтілетін экономикалық нәтиже кірістірілген.