Жаңалықтар

Дөңгелек үстелге қатысушылар техникалық реттеу жүйесінің ағымдағы жай-күйі мен даму перспективаларын, сондай-ақ дәрілік заттар мен медициналық бұйымдардың ортақ нарықтарын қалыптастыруды талқылады.

Комиссияның Техникалық реттеу және аккредиттеу департаментінің директоры Тимур Нұрашев Одақ құқығын жетілдіру туралы, атап айтқанда, техникалық регламенттерді әзірлеу және қабылдау жөніндегі тәртіптердің жаңа редакцияларын қабылдау, оларға орайлас стандарттар тізбесі, өнімді Одақ аумағына әкелудің жаңа тәртібі, мүше мемлекеттердің қадағалау қызметінің қағидаттарын үндестіру жөніндегі тәсілдемелер туралы айтып берді. Тимур Нұрашевтің сөзінше, техникалық регламенттерді қабылдау рәсімдерін оңтайландыру үшін үлкен жұмыс жүргізілді. «Әзірлеу мерзімін 170 күнге, яғни 36% қысқартуға қол жеткізілді. Қолданыстағы тәртіп бойынша рәсімдер кем дегенде 472 күнді, жаңа тәртіп бойынша – кем дегенде 302 күнді құрайды», – деп атап өтті ол.

Жекелеген нормалар бойынша мәселелер туындаған жағдайда Одақтың техникалық регламентіне оның нормаларын нақтылау (біркелкі қолдану) бөлігінде өзгерістер енгізу үшін жеделдетілген тәртіп көзделген.

«ЕАЭО техникалық регламенттерін қолдану мақсатында қазіргі заманғы стандарттарды қолдану мүмкіндігін жеделдету үшін ерекше жағдайларда стандарттар тізбесіне өзгерістерді консультативтік комитеттің отырысында жария талқылаусыз және қарамай-ақ, соның ішінде оларды әзірлеу бағдарламаларына сәйкес мемлекетаралық стандарттарды бекіту кезінде жеделдетілген рәсім бойынша енгізуге болады», – деп атап көрсетті ЕЭК департаментінің директоры.

Дәрілер мен медициналық бұйымдардың айналысы саласындағы жаңа енгізілімдер туралы Комиссияның Техникалық реттеу және аккредиттеу департаменті директорының орынбасары Чинара Мамбеталиева айтып берді. Ол енгізілетін өзгерістер электрондық құжат айналымын кеңейтуге, дәрілік препараттардың сапасын бағалау кезінде қашықтан рәсімдер жүргізуге, Одақ нарығына жоғары тиімділікті және орфандық дәрілердің қолжетімділігін оңайлатуға қатысты екенін атап өтті.

«Бір елдің нарығындағы ғана айналысы үшін дәрілерді тіркеу рәсімін оңайлату жөнінде қабылданған шешімдер пациенттердің төтенше жағдаяттар пайда болу қаупі кезінде преараттарға, сондай-ақ жоғары технологиялық терапияның, серпілісті терапияның дәрілік препараттары, орфандық дәрілер топтарына қолжеткізуін оңайлатуға мүмкіндік береді», — деп атап өтті Чинара Мамбеталиева.

Бұдан басқа, 25 мамырда ЕЭК Техникалық реттеу жөніндегі министрі Виктор Назаренко И.Раззаков атындағы Қырғыз мемлекеттік техникалық университетінің студенттері мен оқытушылары үшін лекция өткізді, онда ЕАЭО-дағы бірыңғай техникалық реттеу жүйесінің негізгі қырларын ашып көрсетіп, студенттердің көптеген сұрақтарына жауап берді.

ЕЭК Хаттама және ұйымдастырушылық қамтамасыз ету департаментінің Ақпараттық қамтамасыз ету бөлімі