Жаңалықтар
Ярославль кәсіпорындары Еуразиялық қозғалтқыштар жасау бағдарламасының қатысушысы болады
Атап айтқанда, кездесу барысында Ярославль облысы кәсіпорындарымен тығыз кооперацияда ЕАЭО елдері аумағында компоненттік база өндірісін оқшаулай отырып, дизельді қозғалтқыштар желісін құру жөніндегі жоба талқыланды.
"Бес мемлекеттің Президенттері инвестициялық ынтымақтастыққа шығу міндетін алға қойды және біз бұл міндеттерді бірлескен бағдарламалар құра отырып шеше аламыз. Соның бірі — Еуразиялық қозғалтқыш жасау бағдарламасы болады. Ол бізге технологиялық егемендікті қамтамасыз етуге көмектеседі. Бұл жоба Одақ елдерінің сауда-экономикалық қатынастарын дамытудың, технологиялық әлеуетті арттырудың және қозғалтқыш жасау саласында өнім импортына тәуелсіздікті қамтамасыз етудің ынталандырмасы болуға тиіс", — деді Михаил Мясникович кездесу қорытындысы бойынша.
ЕЭК Алқасының сөзінше, Ярославль кәсіпорындарының мүмкіндігі батыс мемлекеттері компанияларының түсіп қалған импортының өте байсалды орнын басуға мүмкіндік береді. Ал кооперацияның енгізіліп жатқан механизмдері, соның ішінде жаңа жобаларды қолдау компанияларға мақсатты түрде одақтық елдерге бағдарлануға және нәтижесінде өздерінің инвестициялық жобаларын ұлғайтуға, қосымша нарықтарға шығуға және жеңілдікті кредиттеуге мүмкіндік береді.
"Ярославль қозғалтқыш жасаушылары өте бәсекеге қабілетті өнім өндіреді және іс жүзінде бұрын болған жиынтықтауыштардың түсіп қалған импорттық жеткізілімдерінің толық орнын басуға қабілетті", — деп атап өтті Михаил Мясникович.
Губернатор Михаил Евраевтің сөзінше, Ярославль облысында өнеркәсіп әртараптандырылған. "Біз автомобиль және химия саласын, машина жасауды, кеме құрылысын, фармацевтиканы ойдағыдай дамытудамыз. Одақ елдерімен озық ғылыми-техникалық шешімдерді әзірлеу мен ендірудегі, кооперацияны дамытудағы ынтымақтастық үшін біздің үлкен мүмкіндігіміз бар", — деп атап өтті ол.
Михаил Евраев таяу уақытта Ярославльдегі қоғамдық көлік саласының маршруттарында соның ішінде қозғалтқыштары облыс орталығында шығарылатын белорус өндірісінің "МАЗ"-дары жұмыс істейтін болады деп сөзін үстеді.
"Бәріміз үшін пайдалы кооперация болып шықты. Осындай ынтымақтастықтың іске асырылғаны үшін қуаныштымын. Бұл қызмет көрсету орайында да тиімді. Әріптестік қатынастарды дамыту үшін зор мүмкіндік бар. Қазір жаңа тауашалар ашылуда, көптеген өнеркәсіпші бұған қатысуға сақадай сай отыр. Адамдардың бастамашыл позицияға ие болғаны, өнімнің ассортиментін арттырып, сапасын жақсартқаны маңызды", — деді Михаил Евраев.
Сондай-ақ кездесуде АӨК саласындағы ынтымақтастықты тереңдетуге назар аударылды. ЕАЭО елдері де, Ярославль өндірушілері де сыртқы сауда қызметі көлемін өсіре түсуге дайын.
