"Иннопром. Беларусь" көрмесі шеңберінде ЕАЭО Өнеркәсіптік саясат жөніндегі кеңесінің отырысы болып өтті

29.09.2025

Еуразиялық экономикалық одақтың Өнеркәсіптік саясат жөніндегі кеңесінің "Иннопром. Беларусь" көрмесі шеңберінде өткен отырысында ЕАЭО-да өнеркәсіптік кооперацияға қаржылай жәрдемдесу механизмін іске асыру барысы, Одақ мемлекеттерінің азаматтық авиация жасау, кеме жасау, теміржол жылжымалы құрамы мен жолаушы тасымалдайтын доңғалақты техника өндірісі саласындағы ынтымақтастығының перспективалық бағыттары, сондай-ақ "ЕАЭО өнеркәсібі" тақырыптық порталын құру талқыланды.

"Одақ елдерінің әрқайсысында өндірісті дамытудың ұлттық стратегиясы мен бағдарламасы жұмыс істейді. Комиссияның субсидиясы ұлттық қолдау шараларымен бірге пайдаланылуы мүмкін. Бұл уәкілетті ведомстволарға қаржылай жәрдемдесу механизмінің қаражатын тарта отырып, Мемлекет және Үкімет басшыларының бастамаларын іске асыруға мүмкіндік береді", – деп атап өтті Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Гоар Барсегян.

Көрме бағдарламасы шеңберінде Гоар Барсегян Ресей мен Беларусьтің "Герофарм" және "Белмедпрепараты" фармкомпаниялары арасындағы әлеуметтік маңызы бар дәрілік препараттарды оқшауландыру бойынша негізгі коммерциялық шартты жайларға қол қою рәсіміне қатысты.

"Фармацевтика саласындағы дәрі қауіпсіздігі мен технологиялық егемендікті қамтамасыз ету мәселелері Еуразиялық "бестік" елдері үшін өзекті болып қала береді және ең жоғары деңгейде белсенді талқылануда", – деп атап өтті ЕЭК министрі.

"Герофарм" ЖШҚ мен "Белмедпрепараты" РБК арасындағы ынтымақтастықтың іргетасы 2023 жылы ЕЭК алаңында қаланды.

Скачать исходники фотографий