Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6243

02 октябрындагы 2025 Валентин Татарицкий: "ЕАЭБ алкагында продукцияга карата прогрессивдүү талаптарды коюу – биздин ишибиздеги анык артыкчылык" Евразия экономикалык комиссиясынын техникалык жөнгө салуу боюнча министри Валентин Татарицкий "Иннопром. Беларусь" эл аралык өнөр жай көргөзмөсүнүн аянтчасында "Экономиканы өнүктүрүү маселелерин чечүүдө сапаттын инструменттери" тегерек столунун ишине катышты.

01 октябрындагы 2025 ЕЭК беларус бизнесинин өкүлдөрү менен иштиктүү эртең мененки тамак өткөрдү Минскте "Иннопром. Беларусь" эл аралык көргөзмөсүнүн алкагында Евразия экономикалык комиссиясы ири беларус бизнесинин, мамлекеттик бийлик органдарынын, каржы уюмдарынын өкүлдөрүнүн катышуусу менен иштиктүү эртең мененки тамак өткөрдү.

29 сентябрындагы 2025 Бакытжан Сагинтаев КМШнын Өкмөт башчыларынын кеңешинин отурумуна катышты Евразия экономикалык комиссиясынын Коллегиясынын Төрагасы Бакытжан Сагинтаев 29-сентябрда Минксте Көз карандысыз Мамлекеттер Шериктештигинин Өкмөт башчылар кеңешинин кеңейтилген курамда отурумуна катышты.

29 сентябрындагы 2025 Бакытжан Сагинтаев Ирандын Президенти Масуд Пезешкианды туулган күнү менен куттуктады Евразия экономикалык комиссиясынын Коллегиясынын Төрагасы Бакытжан Сагинтаев Иран Ислам Республикасынын Президенти, Евразия экономикалык бирлигине караштуу байкоочу-мамлекеттин башчысы Масуд Пезешкианды туулган күнү менен куттуктады.

29 сентябрындагы 2025 ЕАЭБдин өнөр жай саясаты боюнча Кеңешинин отуруму "Иннопром. Беларусь" көргөзмөсүнүн алкагында болуп өттү Евразия экономикалык бирлигинин өнөр жай саясаты боюнча кеңешинин отурумунда "Иннопром. Беларусь" көргөзмөсүнүн алкагында ЕАЭБде өнөр жай кооперациясына каржылык көмөк көрсөтүү механизмин ишке ашыруунун жүрүшү, Бирлик мамлекеттеринин жарандык авиация, кеме куруу, темир жолдун кыймылдуу курамын өндүрүү жана жүргүнчүлөрдү ташуучу дөңгөлөк техникасы жаатында кызматташтыгынын келечектүү багыттары, ошондой эле "ЕАЭБ өнөр жайы" тематикалык порталын түзүү талкууланды.

26 сентябрындагы 2025 ЕЭК жана АСЕАН 2030-жылга чейин кызматташуу пландарын аныкташты Евразия экономикалык комиссиясы менен Түштүк-Чыгыш Азия мамлекеттеринин Ассоциациясынын ортосундагы диалогду өнүктүрүүнүн негизги багыттары 26-сентябрда Куала-Лумпурда (Малайзия) Россиянын жана АСЕАН өлкөлөрүнүн экономика министрлеринин консультацияларынын жүрүшүндө талкууланды. Евразия экономикалык комиссиясынын атынан Интеграцияны өнүктүрүү департаментинин директору Микаел Беллуян катышты.

25 сентябрындагы 2025 Бакытжан Сагинтаев Алексей Оверчук менен жумушчу жолугушуу өткөрдү Евразия экономикалык комиссиясынын Коллегиясынын Төрагасы Бакытжан Сагинтаев 25-сентябрда ЕЭКтин штаб-квартирасында Россия Федерациясынын Өкмөтүнүн Төрагасынын орун басары, ЕЭК Кеңешинин мүчөсү Алексей Оверчук менен Евразиялык экономикалык интеграциянын актуалдуу маселелери боюнча жумушчу жолугушуу өткөрдү.

25 сентябрындагы 2025 Андрей Слепнев: "ЕАЭБ менен Ирандын ортосунда Эркин соода жөнүндө макулдашууну ишке ашыруу боюнча кызматташтыктын үч жылдык жол картасына кол коюлду" Бул туурасында Евразия экономикалык комиссиясынын соода боюнча министри Андрей Слепнев ушул жылдын май айында күчүнө кирген Евразия экономикалык бирлиги менен Ирандын ортосундагы Эркин соода жөнүндө толук форматтуу макулдашууну ишке ашыруу боюнча биргелешкен комитеттин биринчи отурумунун жыйынтыгы боюнча пресс-брифингде билдирди. Отурумга биргелешкен комитеттин Иран тараптан тең төрагасы Иран Ислам Республикасынын өнөр жай, кен жана соода министри Мохаммад Атабак, ошондой эле ЕЭКтин бажы кызматташтыгы боюнча министри Руслан Давыдов катышышты. "Көлөмдүү документ, мисалы, транспорт жана логистика жана баарынан мурда "Түндүк-Түштүк" коридору сыяктуу негизги бөлүмдөрдү камтыйт. Биз жашыл бажы коридорлорун түзүү, санариптештирүү, электрондук транзитке өтүү жөнүндө макулдаштык, бул биздин ишканалар үчүн ирандык рынокко өз продукцияларын тез жеткирүү боюнча мүмкүнчүлүктөрдү ачат", – деп баса белгиледи Андрей Слепнев. Ошондой эле кеп "Евразиялык агроэкспресс" долбоору боюнча муздак жүктөрдү ташууну кеңейтүү, порттор линиясы боюнча өз ара аракеттенүү жана ирандык порттор аркылуу Инди океанынын акваториясына чыгуу перспективасы менен инфраструктура боюнча пландарды координациялоо жөнүндө болууда. Буга байланыштуу ЕЭК министри эркин соода жөнүндө макулдашуу боюнча индиялык тарап менен жигердүү консультациялар жөнүндө эске салды. Мындан тышкары, Пакистан менен да ушундай эле өз ара иштешүү "горизонтто" турат, бул иран өнөктөштөрүнүн "Түндүк – Түштүк" коридорундагы маанилүү звено катары суроо-талабын күчөтөт. Андрей Слепнев ЕАЭБден товарлардын импортуна Ирандын сандык чектөөлөрүн алып салуу боюнча олуттуу иштерге да токтолду, муну өнөктөш тарабынан евразиялык "бешилтиктин" өлкөлөрүнө берилген уникалдуу преференция деп атоого болот. "Халал" сертификаттоо боюнча документке кол коюлганын өзүнчө белгилеп кетейин, бул азыр айыл чарба продукцияларын сатуу үчүн маанилүү тема. Бул жерде биз метрология боюнча ислам уюмунун стандарттарына ылайык иштөөнү макулдаштык", – деди ЕЭКтин соода боюнча министри. Тараптар стандарттар боюнча ишти баштоо жана соодадагы техникалык тоскоолдуктарды жоюу жөнүндө макулдашышты. Жөнгө салуучу органдардын көмөгү менен ЕАЭБ менен Ирандын чакан жана орто бизнестин товарларын жеткирүү үчүн канал сунуштаган ири маркетплейстеринин ортосунда практикалык диалог башталды. "Бартердик өнүктүрүү, эсептөөлөр, аймактагы үчүнчү өлкөлөр менен соода боюнча саясатты координациялоо, ишкер чөйрөлөрдүн кызматташуусу сыяктуу башка маселелер да каралды", – деп белгиледи Андрей Слепнев. Товарлардын келип чыгышын тастыктоонун электрондук тутумун иштеп чыгуу жөнүндө сунуштарды даярдоо жана ЕАЭБдин жана Ирандын бизнеси үчүн сооданы жөнгө салуу маселелери боюнча маалымдаманы иштеп чыгуу талкууланды. Тараптар Ирандын ЕАЭБдин Фармакопеялык комитетинин ишине байкоочу катары катышуусун иштеп чыгууну жана медициналык приборлор жана техникалар, ошондой эле транспорт каражаттары жана запастык тетиктер үчүн өз ара жеткиликтүүлүк шарттарын жакшыртуу боюнча консультацияларды өткөрүүнү макулдашышты. Айыл чарба жана тамак-аш продукцияларын сатууга таасир этүүчү санитардык жана фитосанитардык чараларды колдонуу, навигациялык пломбаларды колдонуу боюнча биргелешкен сунуштарды иштеп чыгуу маселелерин кароо жөнүндө макулдашууга жетишилди. Ошондой эле бажы кызматташтыгы боюнча комитетче түзүү тууралуу макулдашылды. ЕЭКтин соода боюнча министринин сөзү боюнча, Иран менен Эркин соода жөнүндө толук форматтагы макулдашуунун натыйжалары байкала баштады, ал ортодо Макулдашуу май айында гана күчүнө кирген. Январдан тартып товар жүгүртүү 16%га өскөн жана бул көрсөткүч 2019-жылдан тартып Убактылуу макулдашуу колдонулган мезгилде байкалган олуттуу өсүштү тастыктап жатат. Статистиканын маалыматтары ЕАЭБ менен Ирандын ортосундагы товар жүгүртүү преференциалдык соода режими иштей баштагандан бери 2,2 эседен ашык көбөйгөнүн көрсөтүүдө. Буга байланыштуу ЕЭКтин соода боюнча министри орто мөөнөттүү келечекте сооданы эки эсеге көбөйтүү жана 12 млрд доллар планкасына жетишүү боюнча мурда айтылган пландарды тастыктады.

Дагы көрсөтүү