Улан-Батордо өтүп жаткан Евразия экономикалык бирлигинин, анын мүчө мамлекеттеринин жана Монголиянын ортосунда убактылуу соода макулдашуусун түзүү жөнүндө сүйлөшүүлөрдүн биринчи раундунун учурунда тараптар алардын субстантивдик аякташын белгилей алышты.

Бул документтин долбоору, анын ичинде товарлардын чектелген чөйрөсү боюнча алымдарды азайтуу же нөлгө түшүрүү жөнүндө макулдашуулар рекорддук убакытта даярдалгандыгынын аркасында мүмкүн болду.

"ЕАЭБ менен Монголиянын ортосунда убактылуу соода макулдашуусун түзүү аркылуу кызматташтыкты кеңейтүү стратегиялык мааниге ээ, анткени продукциянын экспортун өз ара көбөйтүү, сооданы диверсификациялоо жана бири-биринин рынокторунда товарлардын атаандаштыкка жөндөмдүүлүгүн жогорулатуу үчүн кошумча өбөлгөлөрдү түзүүгө мүмкүндүк берет. Мындан тышкары, биз Бирлик өлкөлөрүнүн жана Монголиянын кошумча нарктын аймактык жана глобалдык чынжырчаларына кыйла тыгыз интеграциясын күтөбүз", — деп билдирди ЕЭКтин соода боюнча министри Андрей Слепнев.

Тараптар Макулдашууга ушул жылдын аягына чейин кол коюуга чыгуу ниетин билдиришти.