26-мартта Евразия экономикалык комиссиясынын Москвадагы штаб-квартирасында энергетика жана инфраструктура министри Арзыбек Кожошевдин төрагалыгы алдында энергетика маселелери боюнча илимий-эксперттик кеңеш болуп өттү.

Иш-чаранын жүрүшүндө профилдик министрликтердин, илимий жана эксперттик уюмдардын өкүлдөрү глобалдык энергетикалык рыноктордогу өзгөрүүлөрдү, ошондой эле ЕАЭБдин жалпы газ рыногунда газды сатуунун рыноктук механизмдерин, анын ичинде биржалык тооруктарды уюштурууну эске алуу менен ЕАЭБдин жалпы газ рыногун өнүктүрүүнүн перспективаларын талкуулашты.

"Акыркы жылдары энергетика тармагы глобалдык мүнөздөгү олуттуу кыйынчылыктарга жана толкундоолорго туш болду. Бул өзгөртүүлөрдү эске алуу менен жана Евразия экономикалык бирлигин туруктуу өнүктүрүү кызыкчылыгында, биз 2030-жылга чейин жалпы газ рыногун өнүктүрүүнүн мындан аркы кадамдарын жана перспективаларын белгилешибиз керек", — деп белгиледи Арзыбек Кожошев.

Илимий-эксперттик кеңештин катышуучуларынын пикири боюнча, ЕАЭБдин жалпы газ рыногунун келечектүү багыттарынын арасында инфраструктураны, биржалык механизмдерди, газ-мотордук отун рыногун өнүктүрүүнү жана газ-химия жаатында аз көмүртектүү күн тартиби боюнча биргелешкен долбоорлорду ишке ашырууну бөлүп көрсөтүүгө болот.

"Бүгүнкү күндө, татаал экономикалык шарттарда, евразиялык интеграциянын артыкчылыктарын натыйжалуу пайдалануу боюнча ЕАЭБ мүчө мамлекеттеринин биргелешкен күч-аракеттерин бириктирүү маанилүү", — деп баса белгиледи Арзыбек Кожошев.