Евразия экономикалык комиссиясынын Коллегиясынын Төрагасы Бакытжан Сагинтаев Кыргыз Республикасынын Президенти, Жогорку Евразия экономикалык кеңешинин мүчөсү Садыр Жапаровду жана бүткүл кыргыз элин Эгемендүүлүк күнү менен куттуктады.

«Кыргызстандын эгемендүүлүк мезгили экономика секторлорун модернизациялоого, санариптик инфратүзүмдү жайылтууга, эл аралык аренада өлкөнүн позициясын бекемдөөгө багытталган масштабдуу түзүмдүк реформалар менен белгиленди», — деп айтылат куттуктоо катында. 

Евразия экономикалык комиссиясынын жана жеке өзүнүн атынан Бакытжан Сагинтаев Кыргыз Республикасына жана анын жарандарына бакубатчылык жана жакшылык каалады.