Өкмөт жана эл аралык уюмдардын башчылары ар кандай багыттар, анын ичинде соода-экономикалык жана инвестициялык багыттар боюнча өз ара аракеттенүүнү бекемдөөнүн артыкчылыктуу маселелерин карашты.
Атап айтканда, ШКУну 2035-жылга чейин өнүктүрүү стратегиясын аткаруу чаралары талкууланды.
Кеңешменин катышуучулары санариптештирүү жана жасалма интеллект, энергетика, жашыл экономика, инновация, туризм тармактарында кызматташууга өзгөчө көңүл бурушту.
Жолугушуунун жыйынтыгы биргелешкен коммюникде чагылдырылган. Мындан тышкары, адилеттүү көп тараптуу соода тутумун коргоодо ШКУ мамлекеттеринин консолидацияланган позициясы белгиленди.
ШКУга он мүчө мамлекетти — Беларусь, Индия, Иран, Казакстан, Кытай, Кыргызстан, Пакистан, Россия, Тажикстан жана Өзбекстанды бириктирет.
Москвадагы жолугушууга ошондой эле диалог боюнча өнөктөш мамлекеттердин жана байкоочулардын, кызыкдар өлкөлөрдүн, бир катар эл аралык уюмдардын жана бирикмелердин аткаруу органдарынын өкүлдөрү чакырылган.
ЕЭК менен ШКУнун Катчылыгынын ортосунда өз ара түшүнүшүү жөнүндө меморандумга 2021-жылы кол коюлган.
