Мындай тезис 10-октябрда Вьентьянда (Лаос) өткөн АСЕАН Ишкер инвестициялык саммитинин алкагындагы "АСЕАН менен Түндүк Евразиянын экономикалык интеграциясы жана макрорегиондорунун байланышы" сессиясынын жүрүшүндө өзөктүү маселелердин бири болду. Катышуучулар соода-экономикалык жана инвестициялык кызматташтыкты өнүктүрүү маселелерин, ошондой эле эки региондун экономикалык дараметин ишке ашыруу жолдорун талкуулашты. Сессияда Евразия экономикалык комиссиясынын интеграция жана макроэкономика боюнча министри Эльдар Алишеров чыгып сүйлөдү.

"Интеграция – бул биздин экономикаларды кыйла туруктуу кылуучу, атаандаштык артыкчылыктарын ачып берүүчү, тышкы шокторду жоюучу, негизги көрсөткүчтөрдүн конвергенциясын камсыз кылуучу курал", – деп билдирди Эльдар Алишеров.

ЕЭК министри баса белгилегендей, интеграциялар аралык кызматташтык Евразия континентиндеги экономикалык байланыш үчүн негиз түзөт, бул региондо илгерилетилип жаткан Чоң Евразия өнөктөштүгүнүн концепциясына шайкеш келет.

"Евразияда тоскоолдуктарсыз экономикалык мейкиндикти түзүү үчүн шарттарды түзүүнүн үстүндө жигердүү иштөө маанилүү", – деп баса белгиледи ЕЭК министри жана ЕАЭБ менен АСЕАНдын кызматташуусу үчүн артыкчылыктуу болгон санариптештирүү, өнөр жай кооперациясы, транспорт жана логистика, азык-түлүк менен камсыздоо, инфраструктура жана энергетика чөйрөлөрүн белгиледи.

Эльдар Алишеров ошондой эле ЕАЭБ жана АСЕАН ишкер чөйрөлөрү эки бирикменин диалогун өнүктүрүүнүн негизги драйверлери болуп саналаарын жана региондор ортосунда жалпы ишеним мейкиндигин түздөн-түз түзүшөрүн баса белгиледи. ЕЭК министри АСЕАН өлкөлөрүнүн расмий жана ишкер чөйрөлөрүн ноябрдын аягында Малайзияда өткөрүү пландаштырылган ЕАЭБ-АСЕАН бизнес-диалогуна катышууга чакырды.