Евразия экономикалык комиссиясынын Кеңеши аз тонналык суюлтулган жаратылыш газын (СЖГ) өндүрүү жана сатуу объекттерин куруу, жабдуу жана техникалык тейлөө үчүн жабдуулардын айрым түрлөрүн жана бөлүктөрүн алып келүү бажы алымынан бошотуу түрүндө тарифтик жеңилдик берүү чечимин кабыл алды. Тарифтик жеңилдик алынып келинген товарлардын максаттуу багытын тастыктоо шарты менен 2 жылдык мөөнөткө берилет.
"Чечим суюлтулган жаратылыш газынын аз тонналык өндүрүштөрүнүн тармагын кеңейтүүгө, региондорду газдаштыруунун темпин тездетүүгө, кыймылдаткыч отун катары колдонулган мунайзаттарды экологиялык жактан таза жаратылыш газы менен алмаштырууга багытталган", – деп белгиледи ЕЭКтин соода боюнча министри Андрей Слепнев.
Ал эскертип өткөндөй, Евразия экономикалык бирлигинин аймагында азыркы учурда ички рынокто аз тоннаждык СЖГны пайдалануу менен долбоорлордун инвестициялык жагымдуулугун жогорулатууга жана газ толтуруу тармагын коммерциялык натыйжалуу деңгээлге чейин жүктөөнү камсыздоо менен газмотордук отун рыногун (айыл чарба жана жол-курулуш техникалары үчүн, автомобиль, темир жол жана суу транспортунда) өнүктүрүүгө багытталган иш-чаралар жүзөгө ашырылууда.
"Негизги өбөлгөлөр болуп көп сандагы өнөр жайлык казып алуу үчүн кызыкчылык жаратпаган газ чыккан жерлердин кадамдык жеткиликте болушу, ошондой эле бир катар потенциалдуу керектөөчүлөрдүн жетүүгө кыйын болгон жерлерде же газ менен камсыздоо булактарынан алыс жайгашышы саналат. Мындай учурларда аз тонналык СЖГны колдонуу оптималдуу чечим болуп саналат, ал региондордун социалдык-экономикалык өнүгүүсүнө, энергетикалык коопсуздукту камсыздоого жана экологиялык кырдаалды жакшыртууга өбөлгө түзөт", – деп кошумчалады Андрей Слепнев.
Күтүлгөндөй, аталган долбоорлорду ишке ашыруу жогорку технологиялык өндүрүштүк кубаттуулуктарды уюштурууну эске алуу менен бир нече миң жаңы жумуш орундарын түзүүгө мүмкүндүк берет.
Чечим расмий түрдө жарыяланган күндөн тарта 30 календардык күн өткөндөн кийин күчүнө кирет.
