Евразия экономикалык комиссиясынын энергетика жана инфраструктура боюнча министри Арзыбек Кожошев Мамлекеттер аралык авиациялык комитеттин (МАК) аянтчасында МАК төрагасы Олег Сторчевой менен жолугушуу өткөрдү.
Арзыбек Кожошев жарандык авиация чөйрөсүндө Евразия экономикалык бирлигинин өлкөлөрүнүн өз ара аракеттенүүсүнүн негизги багыттарын, анын ичинде учкучсуз авиациялык тутумдар маселелерин белгиледи. Атап айтканда, кеп ЕЭК Коллегиясынын "Жарандык авиацияда учкучсуз авиациялык тутумдарды колдонуу чөйрөсүндө Евразия экономикалык бирлигинин мүчө мамлекеттеринин кызматташтыгын өнүктүрүү жөнүндө" сунуштамасынын долбоору тууралуу болду.
Учуулардын коопсуздугу, авиациялык кырсыктарды жана инциденттерди иликтөө чөйрөсүндө маалымат алмашуу үчүн жалпы маалыматтык мейкиндикти түзүү боюнча МАКтын Концепциясы тыкыр талкууланды. Арзыбек Кожошев бул багыт авиациялык окуялардын интеграцияланган маалыматтар базасын түзүү боюнча Комиссиянын иши менен тыгыз байланыштуу экенин белгиледи."ЕАЭБ мамлекеттеринде учкучсуз авиациялык тутумдар чөйрөсүн өнүктүрүүгө көмөктөшүү максатында мыйзамдарды өркүндөтүү, эл аралык кызматташтыкты өнүктүрүү жана тажрыйба алмашуу, анын ичинде атайын жумушчу топтун алкагында иш алып баруу пландаштырылууда", – деп белгиледи ЕЭК министри.
Аларды аба мейкиндигине интеграциялоо, сертификаттоо, персоналды даярдоо жана инфраструктураны өнүктүрүү маселелери менен алектенген Аралыктан башкарылуучу авиациялык тутумдар боюнча координациялык комиссиянын жумушчу топторунун отурумдарына ЕЭК өкүлдөрүнүн катышуусу жөнүндө макулдашууга жетишилди.
Жолугушуунун жыйынтыгы боюнча тараптар ЕЭК менен МАКтын ортосундагы 2027–2029-жылдарга Өз ара аракеттенүү жөнүндө меморандумду Ишке ашыруу планына кол коюшту.
ЕЭК менен МАКтын ортосундагы Өз ара аракеттенүү жөнүндө меморандумга 2013-жылы кол коюлган. Тараптар ар бир үч жылдык мезгилге Ишке ашыруу пландарын биргелешип иштеп чыгышат жана кабыл алышат.
