Жаңылыктар
ЕЭК өлкөлөрдүн тажрыйбасынын негизинде тышкы электрондук соода жаатында жаңы чечимдерди даярдоодо
Эксперттер Комиссиянын Евразия экономикалык бирлигинде тышкы электрондук соода жаатындагы сынамык долбоорду ишке ашырууда экспресс-жүктөр үчүн декларацияга түзөтүүлөрдү толтуруунун өзгөчөлүктөрүн аныктоого тиешелүү чечиминин долбоорун макулдашышты.
Ошондой эле отурумдун жүрүшүндө экспресс-жүктөр үчүн декларацияны толтуруу эрежелерин жана сынамык долбоорду жүргүзүүдө колдонулуучу, аларды интернет-дүкөндөр жеке жактарга сатуусунда, ага чейин бажы кампасынын бажы жол-жобосуна жайгаштырылган электрондук сооданын товарларын контролдон автоматтык түрдө алып салуу мүмкүнчүлүгүн камсыздоого багытталган, берилгенге чейин товарларды чыгаруу жөнүндө арызга өзгөртүүлөр талкууланды.
Маалымат
Комиссиянын Кеңешинин 2021-жылдын 5-апрелиндеги № 7 "Евразия экономикалык бирлигинин мүчө мамлекеттеринде тышкы электрондук соода жаатында пилоттук долбоорду (эксперимент) жүргүзүүнүн айрым маселелери жөнүндө" тескемесине ылайык, 2021-жылдын 1-июлунан 2022-жылдын 31-декабрына чейин (узартуу мүмкүнчүлүгү менен) Бирликтин мүчө мамлекеттеринде тийиштүү пилоттук долбоор (эксперимент) жүргүзүлөт.
ЕЭК Кеңешинин 2022-жылдын 23-сентябрындагы № 27 "Евразия экономикалык комиссиясынын 2021-жылдын 5-апрелиндеги № 7 тескемесинин 6-пунктуна өзгөртүүлөрдү киргизүү жөнүндө" тескемеси менен экспресс-жүктөр үчүн товарларга декларацияны түзөтүүлөрдү толтуруунун өзгөчөлүктөрү Комиссия тарабынан аныкталуусу боюнча ыйгарым укуктар каралган.
