Евразия экономикалык бирлигинин өлкөлөрүнүн өкмөт башчыларына Евразия экономикалык комиссиясынын чечимдердин долбоорлоруна жана Евразия экономикалык бирлигинин алкагында эл аралык келишимдердин долбоорлоруна жөнгө салуучу таасирди баалоо (ЖТБ) жол-жоболорун жүргүзүүгө мониторинг жүргүзүү, ошондой эле 2024–2025-жылдары ЕЭКтин кабыл алынган чечимдеринин иш жүзүндөгү таасирин баалоо (ИТБ) боюнча отчет сунушталды.

"2024–2025-жылдары мурунку эки жылдык мезгилге салыштырмалуу жаңы ЕЭКтин чечимдерин кабыл алууну караган ЖТБ жол-жобосунан өткөн ЕЭКтин чечим долбоорлорунун үлүшү 15,3%дан 21,2%га чейин көбөйдү. Бул ЕАЭБге мүчө мамлекеттер тарабынан ага өткөрүлүп берилген жөнгө салуу компетенциясын Комиссиянын ишке ашыруусунун активдешүүсүн күбөлөндүрүшү мүмкүн", – деп белгиледи ЕЭКтин экономика жана каржы саясаты боюнча министри Бахыт Султанов.

Мындан тышкары, отчетто Бирликтин алкагындагы эл аралык келишимдердин долбоорлоруна карата ЖТБ жүргүзүүнүн алгачкы натыйжалары жана Комиссиянын кабыл алынган чечимдерине ИТБ жол-жобосун киргизүү жөнүндө маалымат берилген.

"Бизнес жүргүзүү шарттарына таасирин баалоо механизмдерин кеңейтүү ЕАЭБ өлкөлөрүнүн ишкер чөйрөлөрүнүн евразиялык экономикалык интеграция процесстерине тартылуу деңгээлин жогорулатууга өбөлгө түзөт", – деп баса белгиледи ЕЭКтин экономика жана каржы саясаты боюнча министри Бахыт Султанов.

ЖТБ – бул ЕЭК чечимдеринин долбоорлорунун жана ЕАЭБ алкагындагы эл аралык келишимдердин долбоорлорунун ишкердик ишмердүүлүктү жүргүзүү шарттарына тийгизген таасирин баалоо жол-жобосу. ЖТБ жол-жобосу эки этаптан турат: учурдагы баалоо – ЕЭКтин чечиминин долбоорун жана ЕАЭБ алкагындагы эл аралык келишимдин долбоорун ЕАЭБ сайтында кеминде 30 календардык күн бою коомдук талкуулоо; жана жыйынтыктоочу баалоо – ЕЭКтин атайын түзүлгөн жумушчу тобу тарабынан ЖТБ боюнча корутунду даярдоо.