Жаңылыктар
ЕЭК климаттык чакыруу кагазынын алкагында жол картасын ишке ашырууга киришет
Евразия өкмөттөр аралык кеңеши Евразия экономикалык комиссиясына ЕАЭБ өлкөлөрүнүн өкмөттөрү менен биргеликте климаттык күн тартибинин алкагында жол картасын ишке ашырууну камсыз кылууну тапшырды.
«Иш-чараларды ишке ашыруу интеграциялык бирикмеге технологияларды жана өнөр жай кооперациясын өнүктүрүү боюнча биргелешкен күч-аракеттерди жүргүзүүгө жаңы импульс берет, ошондой эле ЕАЭБ продукциясынын дүйнөлүк рынокто атаандаштыкка жөндөмдүүлүгүн жогорулатат. Мындан тышкары, улуттук жөнгө салуудагы айырмачылыктардан улам Бирликтин рыногунда соода тоскоолдуктарынын пайда болушуна жол бербөө мүмкүн болот », - деди ЕЭКтиин соода боюнча министри Андрей Слепнев.
Жалпысынан жол картасы жети багытты камтыйт:
- климаттык чөйрөдөгү улуттук мыйзамдарды жөнгө салууга талдоо жүргүзүү жана бул чөйрөдө бирдиктүү кадамдарды иштеп чыгуу боюнча сунуштарды даярдоо;
- Париж макулдашуусунун максаттарына жетүү үчүн көмүртектерди жөнгө салуунун биргелешкен рыноктук жана рыноктук эмес механизмдерин түзүү боюнча сунуштарды иштеп чыгуу;
- компетенцияны эске алуу менен төмөнкүдөй тармактарда эмиссияны аз трансформациялоону демилгелөө боюнча чараларды аныктоо: транспорт, энергетика, металлургия, химия өнөр жайы, курулуш, айыл чарба;
- Евразиялык аз көмүртектүү өнүктүрүү демилгелери;
- жашыл каржылоо;
- Климаттык технологиялар жана санариптик демилгелер банкын түзүү;
- климаттын күн тартибинин маселелери боюнча эл аралык соода мамилелери чөйрөсүндө координациялоо жана ЕАЭБге мүчө мамлекеттердин климаттык чөйрөдөгү кызыкчылыктарын эл аралык аренада илгерилетүү максатында башка өз ара аракеттенүү.
Маалымат
ЕАЭБ алкагында ЕЭКтин Соода министри Андрей Слепнев башында турган Климаттык күн тартибинин (ЖДЖТ) алкагында ЕАЭБге мүчө-мамлекеттердин позицияларын жакындатуу боюнча сунуштарды иштеп чыгуу үчүн Жогорку деңгээлдеги жумушчу топ түзүлдү. Бирликтин өлкөлөрүнөн келип түшкөн сунуштардын негизинде мүчө мамлекеттердин ыйгарым укуктуу органдарынын жетекчилеринин орун басарларынын деңгээлинде ЖДЖТнын курамы бекитилди.
2021-жылдын 14-октябрында Жогорку Евразия экономикалык кеңештин жыйынында Климаттык күн тартибинин алкагында ЕАЭБге мүчө мамлекеттердин экономикалык кызматташуусу жөнүндө Билдирүү кабыл алынып, анын долбоору ЖДЖТ тарабынан даярдалган. Глазгодо БУУнун Климаттын өзгөрүшү боюнча Алкактык Конвенциясынын Конференциясынын 26-сессиясынын алдында кол коюлган бул документ интеграциялык бирикменин алкагында бул чөйрөдө макулдашылган мамилелерди түзүүнүн векторун аныктайт.
ЖДЖТ сайтында глобалдык технологиялык трансформациянын жана дүйнөлүк экономиканын түзүмүндөгү өзгөрүүлөрдүн шартында Бирликтин ички рыногунда тоскоолдуктарды жана чектөөлөрдү болтурбоо жана ЕАЭБге мүчө мамлекеттердин экономикаларынын атаандаштыкка жөндөмдүүлүгүн колдоо максатында климаттык күн тартибинин алкагында ЕАЭБ чараларынын биринчи пакетин (жол картасын) макулдашуу боюнча жигердүү иштер жүргүзүлдү.
