Жаңылыктар
ЕЭК БУУнун Эл аралык соода укугу боюнча комиссиясы менен кызматташтыкты өнүктүрүүдө
29-мартта БУУнун Нью-Йорктогу (АКШ) штаб-квартирасында Евразия экономикалык комиссиясынын экономика жана каржы саясаты боюнча министри Бакытжан Сагинтаевдин БУУнун Эл аралык соода укугу боюнча комиссиясынын (ЮНСИТРАЛ) III Жумушчу тобунун катчысы Джэ Сон Ли менен жолугушуусу болуп өттү.
Тараптар инвесторлор менен мамлекеттердин ортосундагы талаш-тартыштарды жөнгө салуу тутумун реформалоо маселелери боюнча ЕЭК менен ЮНСИТРАЛдын кызматташтыгын активдештирүү мүмкүнчүлүгүн карашты.
"ЕАЭБ жөнүндө келишимде өз ара инвестицияларга байланыштуу талаш-тартыштарды кароонун сотко караштуулугун инвестор тарабынан тандалуусунун вариативдүүлүгү каралган. Бул инвестициялык талаш-тартыштарды чечүү үчүн эл аралык аянтчаларга да тиешелүү, - деп белгиледи Бакытжан Сагинтаев. - ЮНСИТРАЛдын жумушчу тобунун сессияларына катышуу бизге инвесторлор менен мамлекеттердин ортосундагы талаш-тартыштарды жөнгө салуу тутумун өркүндөтүүдөгү глобалдык тренддерден кабардар болууга мүмкүнчүлүк берет".
Мындан тышкары, талкуунун жүрүшүндө ЮНСИТРАЛдын башка жумушчу топторунун күн тартибинде турган микро-, чакан жана орто ишканаларды түзүү жана ишмердигин жүргүзүү процесстерин жөнөкөйлөтүү, ошондой эле санариптик экономика жана электрондук соода маселелери талкууланды.
Бул маселелердин маанилүүлүгүнө байланыштуу ЮНСИТРАЛдын өкүлдөрү ЕЭКти уюмдун бардык жумушчу топторуна катышууга чакырышты.
Жолугушуунун аягында Бакытжан Сагинтаев жана Джэ Сон Ли ЕЭКтин жана ЮНСИТРАЛдын мындан аркы кызматташтыгына даярдыгын тастыкташты, ошондой эле ЮНСИТРАЛдын жумушчу топторунун жана ЕЭКтин консультативдик органдарынын күн тартибинде турган маселелерди талкуулоо үчүн уюмдар ортосунда маалымат алмашууну жөнгө салуунун жана эксперттик консультацияларды өткөрүүнүн маанилүүлүгүн белгилешти.
Маалымат
БУУнун Эл аралык соода укугу боюнча комиссиясы (ЮНСИТРАЛ) БУУ тутумунун эл аралык соода укугу жаатындагы негизги органы болуп саналат.
ЮНСИТРАЛ эл аралык келишимдик тажрыйба, транспорт, кудуретсиздик, электрондук соода, микро-, чакан жана орто ишканаларды түзүү жана алардын иш-аракеттерин жөнөкөйлөтүү процесстерин жөнөкөйлөтүү, ошондой эле талаш-тартыштарды, анын ичинде инвесторлор менен мамлекеттердин ортосундагы талаш-тартыштарды жөнгө салуу сыяктуу бир катар тармактарда мыйзам чыгаруу куралдарын даярдоо менен алектенет.
