Статистика боюнча консультативдик комитеттин отурумунда мүчө мамлекеттер макулдашылган 2021-2025-жылдарга статистика чөйрөсүндө интеграцияны өнүктүрүү программасын ишке ашыруу боюнча 2025-жылга иш-аракеттер планы бекитилди, ошондой эле ЕЭКтин 2025-жылга карата статистикалык иштеринин программасынын долбоору жактырылды.

Отурумдун катышуучулары Евразия экономикалык бирлигинин 2026-2030-жылдарга карата статистика чөйрөсүндө евразиялык интеграцияны өнүктүрүү программасынын долбоорун талкуулашты.

2023-жылга карата ЕАЭБ мүчө мамлекеттеринин ортосунда товарларды өз ара сатуу статистикасынын "күзгү" маалыматтарын салыштыруунун жыйынтыктары каралды жана 2025-жылы маалыматтарды салыштыруу боюнча эксперттердин эки тараптуу жолугушууларын өткөрүү графиги түзүлдү.

Кеңири экономикалык категориялар боюнча классификациялоонун бешинчи версиясына ылайык иштелип чыккан, ЕАЭБ ТЭИ ТН коддорунун негизинде "Аралыктык, инвестициялык жана керектөө товарлары" жыйноочу классификациялык тобунун долбоору талкууланды, анын негизги максаты соода статистикасын талдоо үчүн продуктулардын категорияларын аныктоо болуп саналат.

Армения Республикасынын Статистикалык комитетинин өкүлү ЕЭКте расмий статистикалык маалыматтарды берүүнүн улуттук тажрыйбасы жөнүндө баяндама менен чыгып сүйлөдү.

Статистика боюнча Консультативдик комитеттин кийинки отуруму 2025-жылдын май айына пландаштырылды.