Евразия өкмөттөр аралык кеңеши 2023-жылы Евразия экономикалык бирлигинин өлкөлөрүнүн бюджеттеринин ортосунда алып келүү бажы алымдарынын суммаларын чегерүү жана бөлүштүрүү жөнүндө отчетту карады. Документке ылайык, 2022-жылга салыштырмалуу мүчө мамлекеттердин бюджеттерине алып келүү алымдарынын түшүүсү 46,8%га көбөйүп, рекорддук 14,8 миллиард долларга жеткен. 2023-жылы чогултулган жана бөлүштүрүлгөн алымдардын суммасы 2015-жылдан тартып алып караганда максималдуу болуп саналат.

"2023-жылы алып келүү бажы алымдарынын өсүшү ЕАЭБдин туруктуу иштешин жана анын катышуучу өлкөлөрдүн экономикасына оң таасирин көрсөтүп турат. Ошондой эле бул биздин соода байланыштарын чыңдоо жана бизнес үчүн жагымдуу шарттарды түзүү аркылуу туура багытта бара жаткандыгыбызды билдирет", – деп белгиледи ЕЭКтин экономика жана каржы саясаты боюнча министри Бахыт Султанов.

ЕАЭБ жөнүндө келишимге ылайык, Комиссия жыл сайын Өкмөттөр аралык кеңештин кароосуна алып келүү бажы алымдарынын суммаларын чегерүү жана катышуучу өлкөлөрдүн бюджеттеринин ортосунда бөлүштүрүү жөнүндө отчет берет.

"Биз ЕАЭБ ичинде сооданын андан ары өсүшүнө дем берүү үчүн бажы мыйзамдарын оптималдаштыруу жана бизнес үчүн жагымдуу шарттарды түзүү боюнча иштерди улантабыз, – жыйынтыктады ЕЭК министри. – Бажылык түшүүлөрдүн өсүшү өлкөлөргө бюджеттик кирешелерди көбөйтүүгө жана социалдык-экономикалык программаларды каржылоого мүмкүндүк берет".