Евразия экономикалык бирлигинин алкагында аймактар аралык өнөр жай кооперациясын өнүктүрүү жана ага аймактардын ишканаларын тартуу мүмкүнчүлүктөрү ИННОПРОМ эл аралык көргөзмөсүнүн алкагында өткөн "ЕАЭБдеги өнөр жай кооперациясы жана технологиялык кызматташтык: колдоо механизмдери жана жаңы мүмкүнчүлүктөр" тегерек столунда каралды.

"Регионалдык деңгээлде негизги өндүрүштүк компетенциялар, илимий-технологиялык потенциал жана кооперациялык долбоорлордун демилгечилери болгон ишканалар топтолгон. Ушуга байланыштуу, аймактар аралык кызматташтыкты мындан ары өнүктүрүү Бирликтин алкагында өнөр жай кооперациясын кеңейтүүнүн негизги шарттарынын бири катары каралат", – деп белгиледи Евразия экономикалык комиссиясынын өнөр жай жана АӨК боюнча министри Гоар Барсегян.