29-майда Астанада Жогорку Евразия экономикалык кеңештин отуруму болуп өттү.

Отурумга Евразия экономикалык бирлигинин өлкөлөрүнүн башчылары – Беларусь Республикасынын Президенти Александр Лукашенко, Казакстан Республикасынын Президенти Касым-Жомарт Токаев, Кыргыз Республикасынын Президенти Садыр Жапаров, Россия Федерациясынын Президенти Владимир Путин, ошондой эле Армения Республикасынын Вице-премьери Мгер Григорян жана Евразиялык экономикалык комиссиянын Коллегиясынын Төрагасы Бакытжан Сагинтаев катышышты.

 

ЕАЭБ алдындагы байкоочу мамлекеттер тарабынан – Өзбекстан Республикасынын Президенти Шавкат Мирзиёев, Куба Республикасынын Вице-президенти Сальвадор Вальдес Меса, Иран Ислам Республикасынын өнөр жай, кендер жана соода министри Сейед Мохаммад Атабак катышышты.

Жогорку Евразия экономикалык кеңешинин отурумунда Евразия экономикалык бирлигинде жасалма интеллектти жоопкерчиликтүү өнүктүрүү жөнүндө Биргелешкен билдирүү кабыл алынды.

ЕАЭБ мамлекеттеринин башчылары 2025-жылга чейин евразиялык экономикалык интеграцияны өнүктүрүүнүн стратегиялык багыттарын ишке ашыруунун жыйынтыктарын карап чыгышты.

2025-жылы ЕАЭБдин эл аралык ишмердүүлүгүнүн Негизги багыттарын ишке ашыруу талкууланды.

Бирликтин өлкөлөрүнүн лидерлери Тунис Республикасы менен эркин соода жөнүндө макулдашуу түзүү боюнча сүйлөшүүлөрдү расмий баштоо тууралуу сунушту колдошту.

ЖЕЭК Эркин соода аймагы жөнүндө макулдашууга өзгөртүүлөрдү киргизүү боюнча Сербия менен сүйлөшүүлөрдү жүргүзүүнү жактырды.

Табигый монополияларды жөнгө салуу чөйрөсүндө 2025-жылдын жыйынтыктары чыгарылды.

ЕАЭБде кызмат көрсөтүүлөрдү либералдаштыруу пландарын ишке ашыруу жөнүндө баяндама бекитилди.

Жогорку Евразия экономикалык кеңеши ЕАЭБде кооперациялык долбоорлорду ишке ашырууда каржылык көмөк көрсөтүү механизмин АӨКкө жайылтты.

ЖЕЭК ЕЭКтин баяндамасын жана үрөнчүлүктү унификациялоонун мындан аркы багыттарын жактырды.

Казакстанда жер казынасын пайдаланууга контракттар боюнча товарларды ташып келүүдө төлөнгөн ташып келүү бажы алымдарын бөлүштүрүү маселеси жөнгө салынды.