Санкт-Петербург шаарында өткөн Жогорку Евразия экономикалык кеңешинин отурумунда Евразия экономикалык бирлигинин мамлекет башчылары ЕАЭБдин 2030-жылга чейинки тышкы соода саясатынын милдеттерин жана багыттарын аныктаган программалык документти жактырышты. Мамилелерде кызматташтыктын принциптери жана инструменттери, ошондой эле өлкөлүк артыкчылыктар камтылган.

"Учурдагы тез өзгөрүп жаткан соода-саясий кырдаалда Бирлик өнөктөш өлкөлөр менен соода-экономикалык кызматташтыкты өнүктүрүүгө, диверсификациялоого жана анын сапатын жогорулатууга олуттуу көңүл бурат. Бул, анын ичинде, өтүп бараткан жылы түзүлгөн соода бүтүмдөрүнүн санынан да байкалат. Орто мөөнөттүү келечекте жигердүү соода саясатын улантабыз", – деп белгиледи Евразия экономикалык комиссиясынын соода боюнча министри Андрей Слепнев.

Документ ЕАЭБ өлкөлөрүнүн лидерлери тарабынан Бирликтин эл аралык аренада экономикалык тартуунун уюлу катары иштеши боюнча мурда коюлган милдеттерди өнүктүрүү максатында түзүлгөн. Тиешелүү максат "Евразия экономикалык жолу" декларациясында белгиленген.