Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович 7-сентябрда Кытайдын адилеттүү атаандаштык боюнча Улуттук конференциясына катышты.
Ал Евразия экономикалык бирлигинин өлкөлөрүнүн Кытай Эл Республикасы менен кызматташтыгынын стратегиялык маанисин белгиледи, ошондой эле Кытайдын бирдиктүү улуттук рынокту түзүү боюнча демилгесинин маанилүүлүгүн баса белгиледи.
ЕЭК министри Комиссия кытайлык өнөктөштөр менен кызматташтыкты улантууга, тажрыйба алмашууга жана адилеттүү атаандаштыкты камсыз кылуу боюнча биргелешип иштөөгө даяр экендигин тастыктады.«ЕАЭБ үчүн адилеттүү атаандаштык маселелери түз жана практикалык мааниге ээ, – деп баса белгиледи Максим Ермолович. – Санариптик платформалардын, жасалма интеллекттин өнүгүүсү жана глобалдык соодадагы өзгөрүүлөр шартында биздин милдет — жаңы тобокелдиктерге жооп кайтаруу гана эмес, ошондой эле бизнес жана керектөөчүлөр үчүн интеграциянын реалдуу артыкчылыктарын камсыз кылуу».
Иш-чара Кытайдын бирдиктүү улуттук рыногун өнүктүрүүгө, ак ниет атаандаштыкты бекемдөөгө, адилеттүү баа түзүүгө жана таза рыноктук чөйрөнү калыптандырууга арналды.
