2026-жылдын 2-октябрында Минск шаарында Евразия өкмөттөр аралык кеңешинин алкагында ЕАЭБ өлкөлөрүнүн деңиз өткөрүү пункттарында электрондук документ жүгүртүүнү өнүктүрүүнүн жыйынтыктары жөнүндө маалымат сунушталды.

Отчеттук маалымат мүчө мамлекеттердин жана Комиссиянын өкүлдөрүнөн турган адистештирилген эксперттик топтун ЕАЭБдин мүчө мамлекеттеринин деңиз өткөрүү пункттарында электрондук документ жүгүртүүнү өнүктүрүү боюнча концепцияны ишке ашыруу боюнча 2023–2025-жылдардагы ишинин жыйынтыктарын камтыйт.

Экинчи этаптын алкагында Казакстан менен Россиянын деңиз порттору аркылуу ташуулардагы санариптештирүүнүн абалына мониторинг жүргүзүү боюнча иш жүргүзүлдү, ошондой эле транспортту санариптик өнүктүрүүгө жана кагаз жүзүндөгү документтерди колдонуудан баш тартууга багытталган ЕЭК Коллегиясынын эки сунуштамасы кабыл алынды.

Өкмөттөр аралык кеңешке мүчө мамлекеттердин деңиз өткөрүү пункттарында электрондук документ жүгүртүүгө толук өтүүнү жүзөгө ашыруу жана санариптик технологияларды колдонуу максатында бул багыттагы иштер улантылары маалымдалды.