Көз карандысыз Мамлекеттер Шериктештигине катышуучу мамлекеттердин Монополияга каршы саясат боюнча мамлекеттер аралык кеңеши (МСМК) 3-июлда Астанада Евразия экономикалык комиссиясынын демилгесин карап чыкты жана чарбакер субъект же жеке жак тарабынан чек ара аралык рыноктордо атаандаштыктын жалпы эрежелерин бузуунун натыйжасында келтирилген зыяндын ордун толтуруу маселеси боюнча 2002-жылдын 7-октябрындагы Жарандык, үй-бүлөлүк жана кылмыш иштери боюнча укуктук жардам жана укуктук мамилелер жөнүндө конвенциянын жана 1992-жылдын 20-мартындагы Чарбалык ишмердүүлүктү жүзөгө ашырууга байланыштуу талаш-тартыштарды чечүү тартиби жөнүндө макулдашуунун айрым жоболорун расмий чечмелөөнү алуу үчүн КМШнын Экономикалык Сотуна кайрылуу жөнөтүү жөнүндө чечим кабыл алды.

ЕЭКтин атаандаштык жана монополияга каршы жөнгө салуу боюнча министри Максим Ермоловичтин айтымында, демилге чарбакер субъект (рыноктун субъектиси) же жеке жак тарабынан чек ара аралык рыноктордо атаандаштыктын жалпы эрежелерин бузуунун натыйжасында келтирилген зыяндын ордун толтуруу мүмкүнчүлүгү жөнүндө Комиссия тарабынан Маалымат катын даярдоонун алкагында келип чыккан бир катар маселелерди чечүү зарылдыгы менен шартталган.

Иш ЕЭК Кеңешинин 2025-жылдын 26-сентябрындагы № 18 тапшырмасын аткаруу максатында жүргүзүлүүдө.

Скачать исходники фотографий