Евразия экономикалык комиссиясынын Коллегиясы 20-январда Евразия экономикалык бирлигинин "Ташууга жана (же) пайдаланууга даярдалган жаратылыш күйүүчү газынын коопсуздугу жөнүндө" техникалык регламентине карата изилдөө ыкмаларын камтыган стандарттардын тизмегинин жаңыланган редакциясын бекитти.

Бул мамлекеттер аралык стандарттарды иштеп чыгуу боюнча программаны ишке ашырууну эске алуу менен техрегламентке далил базасын актуалдуу абалда кармап туруу үчүн зарыл.

Актуалдаштырылган редакцияга 35 мамлекеттер аралык стандарттар киргизилген, алардын 10у – жаңы; үчөө – Казакстан Республикасынын улуттук стандарттары; үчөө – Россия Федерациясынын улуттук стандарттары.

Тизмеден өнөр жай үчүн тиешеси жок бир катар документтер чыгарылды.

Кабыл алынган чечим ал расмий жарыяланган күндөн тартып 30 календардык күндөн кийин күчүнө кирет жана 2025-жылдын 22-ноябрынан – аталган техникалык регламентке өзгөртүүлөр күчүнө кирген күндөн баштап пайда болгон укуктук мамилелерге жайылтылат.