Евразия экономикалык бирлигинин товарлары менен ЕАЭБден тышкары өлкөлөр менен тышкы сооданын көлөмү 2022-жылдын январында 76,3 млрд АКШ долларын түздү, бул 2021-жылдын январына салыштырмалуу 62,6%га көп. Экспорт 76,5%га, ал эми импорт – 40,6%га өскөн.

ЕАЭБден тышкары өлкөлөргө Казакстандан (94,1%га) жана Россиядан (76,8%га) экспорт, ал эми Кыргызстанга импорт (2,8 эсе) олуттуу түрдө өскөн.

2022-жылдын январында товарлар менен өз ара сооданын көлөмү 5 млрд АКШ долларын түзүп, 2021-жылдын январындагы деңгээлден 17,3%га ашты.

Өз ара соодада экспорттун көлөмүнүн өсүшү Бирликтин бардык мамлекеттеринде катталган. Эң чоң өсүш Кыргызстанда (80%га) жана Арменияда (34,3%га) байкалган.

Кененирээк статистикалык маалымат статистика департаментинин баракчасында "Товарлар менен тышкы жана өз ара сооданын статистикасы" бөлүмүндө, 2022-жылдын январы үчүн талдамалык маалыматтарда көрсөтүлгөн.