Евразия экономикалык бирлигинин "Аттракциондордун коопсуздугу жөнүндө" жана "Газ түрүндөгү отун менен иштеген аппараттардын коопсуздугу жөнүндө" техникалык регламенттерине өзгөртүүлөрдүн долбоорлору коомдук талкууга жөнөтүү үчүн жактырылды. Тиешелүү чечимдер Евразия экономикалык комиссиясынын техникалык жөнгө салуу, санитардык, ветеринардык жана фитосанитардык чараларды колдонуу боюнча консультативдик комитетинин отурумунда ЕЭКтин профилдик министри Валентин Татарицкийдин жетекчилиги алдында кабыл алынды.
Аттракциондорго техрегламентти өзгөртүү шайкештикти баалоонун типтүү схемаларынын негизинде шайкештикти баалоонун формаларын, схемаларын жана жол-жоболорун белгилөө менен байланышкан.
Газ түрүндөгү отун менен иштөөчү аппараттарга карата техрегламентке токтолсок, өзгөртүүлөр ички мейкиндиктерде жана жайларда колдонуу үчүн арналган жабдуулар күйбөй калган газдын топтолушуна жол бербөөчү аппарат менен сөзсүз жабдылышы керек экендигине байланыштуу.
Консультативдик комитет ЕЭК Коллегиясынын отурумунда кароо үчүн "Ташууга жана (же) колдонууга даярдалган күйүүчү жаратылыш газынын коопсуздугу жөнүндө" техрегламентине мамлекеттер аралык стандарттарды иштеп чыгуу боюнча программанын жаңы редакциясын, бажы чек арасында жана ЕАЭБ бажы аймагында карантинге алынган продукцияга жана карантинге алынган объекттерге коюлуучу бирдиктүү карантиндик фитосанитардык талаптарга өзгөртүүлөрдүн долбоорун, ошондой эле Бирликтин бажы аймагында карантиндик фитосанитардык контролду (көзөмөлдү) жүзөгө ашыруу тартиби жөнүндө жобого өзгөртүүлөрдүн долбоорун жиберүүнү сунуштады.
Мындан тышкары, ЕАЭБ өлкөлөрүндө мамлекеттик ички макулдашуунун натыйжалары боюнча даярдалган "Тамак-аш продукциясы аны маркалоо бөлүгүндө" техрегламентине № 4 өзгөртүүлөрдүн долбоору жана жеке жактар үчүн электрондук соода товарларына аракеттерди жайылтуу бөлүгүндө ЕАЭБ бажы аймагында милдеттүү түрдө шайкештиги бааланууга тийиш болгон продукцияларды Бирликке алып келүүнүн тартибин өзгөртүүлөрдүн долбоору каралды. Бул документтердин долбоорлору боюнча ишти улантуу чечими кабыл алынып, ал аяктагандан кийин Комиссиянын Коллегиясынын отурумуна жөнөтүлөт.
Консультативдик комитет мүчө мамлекеттердин ыйгарым укуктуу органдарынын сунуштарын эске алуу менен Бирликтин техрегламенттеринин талаптарынын сакталышына мамлекеттик контроль (көзөмөл) жаатындагы иштерди координациялоо боюнча комитетченин курамын актуалдаштырды.
