Түштүк-Африка Республикасына жумушчу сапарынын алкагында Евразия экономикалык комиссиясынын Өнөр жай саясаты департаментинин директору Николай Кушнарев жана ЕЭКтин Агроөнөр жай саясаты департаментинин директору Армен Арутюнян "Цване" Автомобилдик өзгөчө экономикалык аймагына (ӨЭА) – Африкадагы биринчи автомобиль шаарына, Түштүк Африканын автомобиль өндүрүшүнүн 40% үлүшүнө туура келген өнөр жай борборуна барышты.

ӨЭАнын башкы аткаруучу директору Бека Зулу менен сүйлөшүүлөрдүн жүрүшүндө ЕЭК делегациясы Евразия экономикалык бирлигинин өлкөлөрүнүн инвесторлорун түштүк-африкалык ӨЭА резиденттери катары тартуу мүмкүнчүлүктөрүн талкуулады.

Мындан тышкары, өнөр жай кызматташтыгынын актуалдуу маселелерин жана агроөнөр жай комплексинде биргелешкен өндүрүштү түзүү потенциалын Николай Кушнарев жана Армен Арутюнян Гаутенг провинциясынын экономикалык өнүктүрүү министри Тасним Мотара менен талкуулашты, ал ӨЭАны башкаруу жана ишке ашыруу алкагындагы жеке жана мамлекеттик секторлордун ортосундагы стратегиялык өнөктөштүктүн жыйынтыктары, ошондой эле бийлик тарабынан инвесторлор үчүн берилген салыктык өбөлгөлөр жана жеңилдиктер туурасында кеңири тааныштырды.

"Цване" ӨЭАны ийгиликтүү ишке ашыруу тажрыйбасы ЕАЭБдин өнөр жай сектору менен интеграцияга, кошумча нарк менен өндүрүштү көбөйтүүгө жана аймактык экономикалык өнүгүүгө өбөлгө түзө турган өнөр жай жана технологиялык мүмкүнчүлүктөрдү жана артыкчылыктарды ачык көрсөтүп турат", – деп белгиледи Николай Кушнарев.