Евразия экономикалык комиссиясынын аянтчасында Евразия экономикалык бирлигинин мүчө мамлекеттеринин жана ЕЭКтин Дүйнөлүк соода уюмунун маселелери боюнча өз ара иштешүүсү боюнча жумушчу тобунун үчүнчү отуруму болуп өттү. Тараптар үстүбүздөгү жылдын июнь айында Женевада өткөн ДСУнун XII Министрлик конференциясынын жыйынтыктарын талкуулашты жана ЕАЭБдин улуттуктан жогорку компетенциясына тиешелүү багыттар боюнча иштерди координациялоо маселелерин карашты.
"ДСУ туш болгон көптөгөн чакырыктарга жана көйгөйлөргө карабастан, Министрлик конференция уюмдун реформалар процессине киришүүгө даярдыгын көрсөттү, бул албетте дүйнөлүк экономиканын кызыкчылыктарына жооп берет, - деп баса белгиледи ЕЭКтин соода боюнча министри Андрей Слепнев. - ЕАЭБдин бардык өлкөлөрүнүн өкүлдөрү Казакстандын ийгиликтүү төрагалыгын, ошондой эле ал конференциянын тең уюштуруучусу катары чыгуу менен ойногон позитивдүү ролун белгилешти".
Жумушчу топтун отурумунун жыйынтыктары боюнча, Электрондук соода боюнча биргелешкен демилгенин, ДСУну реформалоонун, ошондой эле Соода жол-жоболорун жөнөкөйлөтүү боюнча комитеттин транзит маселелери боюнча адистештирилген сессияларга ЕАЭБ өлкөлөрүнүн катышуусунун алкагындагы иштерге карата мамилелер макулдашылды.
