Чолпон-Атада Евразия экономикалык бирлигинин мамлекеттеринин өкмөт башчылары Окумуштуулук наамдар жөнүндө документтерди өз ара таануу тууралуу макулдашууга кол коюшту.

2024-жылдын май айында күчүнө кирген Окумуштуулук даражалар жөнүндө документтерди өз ара таануу тууралуу макулдашуу менен бирге, жаңы улуттуктан жогорку келишим алардын ээлерине эмгек миграциясы учурунда кесиптик ишмердүүлүккө мүмкүнчүлүк ачат жана ЕАЭБ алкагындагы бирдиктүү эмгек рыногунда жогорку квалификациялуу илимий кадрлардын мобилдүүлүгүн жогорулатууга багытталган.

Чолпон-Атада кол коюлган Макулдашуу күчүнө киргенден кийин, Бирлик өлкөлөрүнүн жарандарынын улук илимий кызматкер, доцент, ассоцирленген профессор (доцент) жана профессор окумуштуулук наамдары жөнүндө улуттук документтери ЕАЭБдин башка өлкөсүндө ишке орношууда түздөн-түз таанылат. Бул узакка созулган жана кымбат баалуу нострификациялоо жол-жобосунан өтүүнү жокко чыгарат.

Евразия экономикалык комиссиясынын экономика жана каржы саясаты боюнча министри Бахыт Султанов белгилегендей, Макулдашуу Бирликтин бирдиктүү эмгек рыногун өнүктүрүү үчүн стратегиялык мааниге ээ.

"Окумуштуулук наамдарды түздөн-түз таануу административдик тоскоолдуктарды четтетет жана жогорку квалификациялуу илимий кадрларга ЕАЭБдин каалаган мамлекетинде кесиптик жактан өзүн ишке ашыруу үчүн кеңири мүмкүнчүлүктөрдү ачат. Бул илимий-өндүрүштүк кооперацияны чыңдоого, биздин экономикалардын атаандаштыкка жөндөмдүүлүгүн жогорулатууга жана Бирликтин жалпы илимий мейкиндигин калыптандырууга түздөн-түз өбөлгө түзөт", – деп баса белгиледи министр.

Окумуштуулук наамдар жөнүндө документтерди өз ара таануу жөнүндө макулдашуу ЕАЭБдин бардык мамлекеттеринде ратификациялангандан кийин күчүнө кирет.