Жаңылыктар
ЕАЭБде COVID-19'га каршы жүргүзүлгөн эмдөө жөнүндө документтерди өз ара таануу механизмдери түзүлдү
Евразия экономикалык комиссиясынын Коллегиясы жарандардын Евразия экономикалык бирлигинин аймагы боюнча тоскоолдуктарсыз орун которуштуруусу үчүн сунуштаманы кабыл алды. Сунуштама учурда ЕАЭБ өлкөлөрүндө колдонулуп жаткан COVID-19'га каршы жүргүзүлгөн эмдөө жөнүндө документтерди өз ара таануунун бардык мүмкүн болгон механизмдерин камтыйт.
Өз ара таануу үчүн, улуттук маалыматтык тутумдарды, анын ичинде мобилдик тиркемелерди колдонуу менен, мамлекеттерде бекитилген COVID-19'га каршы вакцинаны алгандыгын тастыктаган кагаз алып жүрүүчүдөгү же электрондук документтерди колдонуу каралган.
Чек аралардан өтүүгө буга чейин жоюлган чектөөлөрдүн кайра киргизилишин талап кылышы мүмкүн болгон COVID-19 менен ооруу боюнча туруксуз жагдайды эске алуу менен, аталган документтин кабыл алынышы өзгөчө маанилүү болуп саналат.
