Евразия экономикалык комиссиясынын Кеңеши 1-августтагы отурумунда Евразия экономикалык комиссиясы тарабынан Евразия экономикалык бирлигинин мүчө мамлекетинин Бирликтин техникалык регламенттеринин талаптарына ылайык келбеген продукцияларга карата башка мүчө мамлекеттин мамлекеттик контролдоо (көзөмөлдөө) органы тарабынан кабыл алынган чаралардын негиздүүлүгү жөнүндө кайрылуусун кароо тартибин бекитти.

Тартип Евразия экономикалык бирлигинин мүчө мамлекеттеринин ортосунда келип чыккан мамлекеттик көзөмөлдүн жыйынтыгы боюнча талаш маселелерди кароо жана жөнгө салуу жол-жобосун белгилейт.

Текшерилген эксперттик сунуштамалардын негизинде Бирликтин техрегламенттеринин талаптарын аткарууга карата административдик жооп кайтаруу чараларынын негиздүүлүгүн кароо камсыз кылынат.

Бул талаптагыдай эмес укук колдонуу практикасына каршы күрөшүүнүн жумшак, сотко чейинки механизми болот.

Кайрылууну кароонун жыйынтыгы боюнча кабыл алынган чечим Бирликтин техникалык регламенттеринин талаптарына ылайык келбеген өнүмдөргө мамлекеттик контролдоо чөйрөсүндө кабыл алынуучу чараларга бирдиктүү мамилени камсыз кылуу үчүн колдонулат.

ЕЭК Кеңешинин чечими аталган чөйрөдө Евразия экономикалык бирлигинин мүчө мамлекеттеринин көрсөтүлгөн чөйрөдө 2021-жылдын 16-февралындагы мыйзамдарын жана Жогорку Евразия экономикалык кеңешинин 2020-жылдын 11-декабрындагы № 12 чечими менен бекитилген 2025-жылга чейин Евразиялык экономикалык интеграцияны өнүктүрүүнүн стратегиялык багыттарынын 4.7.3-пунктун шайкеш келтирүү максатында, Евразия экономикалык бирлигинин техникалык регламенттеринин талаптарынын сакталышына мамлекеттик контролду (көзөмөлдү) жүзөгө ашыруунун принциптери жана мамилелери жөнүндө макулдашуунун 9-беренесинин 3-пунктун жүзөгө ашыруунун алкагында кабыл алынган.