Евразия экономикалык бирлигинин өлкөлөрүнүн стандартташтыруу жана метрология жаатындагы кызматташтыгы жөнүндө ЕЭКтин техникалык жөнгө салуу боюнча министри Валентин Татарицкий Техникалык жөнгө салуу жана метрология боюнча федералдык агенттиктин (Росстандарт) жыйынтыктоочу Коллегиясынын отурумунда айтып берди.
Росстандарттын Коллегиясына 200дөн ашык адам катышты, алардын катарында – Росстандарттын борбордук аппараты жана бардык ведомстволук уюмдары, Евразия экономикалык комиссиясынын, Россия Федерациясынын министрликтеринин жана профилдик мекемелеринин өкүлдөрү болушту.
Валентин Татарицкий 29-майда ЕАЭБ жөнүндө келишимге кол коюлганына 10 жыл болорун эскертип, бул мезгилде техникалык жөнгө салуу чөйрөсүндө көп нерсеге жетишүүгө мүмкүн болгонун жана бул процессте Росстандарт жигердүү роль ойногонун белгиледи.
ЕЭК министринин сөзү боюнча, жакынкы келечекте стандартташтыруу багыты боюнча Бирликтин алкагында стандартташтыруу боюнча иштерди координациялоо тартибин, ошондой эле күчүнө кирген регламенттердин илимий-техникалык деңгээлин милдеттүү түрдө мезгил-мезгили менен баалоону жүргүзүү тартибин жана аларга карата стандарттардын тизмесин ишке ашыруу милдети турат. Бул документтер талаптарды актуалдуу абалда сактоого, ошондой эле аларды макулдашып жана өз убагында даярдоого багытталган.
Валентин Татарицкий ошондой эле бул жылы ЕАЭБде өлчөө каражаттарын колдонууга жол берүү механизмин иштеп чыгуу боюнча пилоттук долбоорду ишке ашыруунун жыйынтыктарын талкуулоо пландаштырылып жатканын айтты. Пилоттук долбоордун алкагында аныкталган укуктук кенемтелерди жөнгө салуу үчүн Бирликтин актыларын оңдоо боюнча конкреттүү сунуштар түзүлөт.
ЕЭК министри, аткарылган иштерге карабастан, учурдагы реалдуулукта стандартташтыруу жана метрология чөйрөсүндө бирликтик интеграцияны күчөтүү зарылдыгы бышып жетилгенин баса белгиледи. "Бул блокторду өнүктүрүү боюнча биргелешкен дымактарды Бирликтин алкагында 2030-жылга чейин жана 2045-жылга чейинки мезгилде экономикалык процесстерди андан ары өнүктүрүү жөнүндө декларацияны ишке ашыруу боюнча иш-чаралар планына жүктөө дурус болмок", — деп белгиледи ал.
Валентин Татарицкий өз сөзүндө белгилеп өткөндөй, техникалык жөнгө салуу тармагын өнүктүрүүдө санариптештирүү маанилүү роль ойнойт. Анын айтымында, "келечектеги техникалык жөнгө салууга" карай биринчи кадам бирлик аянтчасында кыйла дымактуу долбоорду – "Бирликтин алкагында санариптик техникалык жөнгө салуу" долбоорун ишке ашыруу болуп саналат.
"Бул долбоорду түздөн-түз ишке ашырып жаткан эксперттик команда, ал эми бул толук консорциум, бүгүнкү күндө түзүлүп жаткан бирдиктүү санариптик платформаны иштеп жаткан же жаңы гана түзүлүп жаткан бирликтик сервистер менен толтуруунун перспективаларын "түптөөдө", — деди Валентин Татарицкий. — Кийин мындай тутум бизге шайкештикти баалоо процессинин өзүн санариптештирүүгө жана уруксат берүүчү документтерди берүүгө, ошондой эле техникалык жөнгө салуу чөйрөсүндө көзөмөлдөө ишин автоматташтырууга ырааттуу кадам таштоого мүмкүндүк берет".
Болуп өткөн иш-чара ошондой эле Дүйнөлүк метрология күнүнө арналган, ал жыл сайын 20-майда метрологиялык кесиптик коомдоштук тарабынан белгиленет. Бул датаны 2024-жылы белгилөө "Биз бүгүн туруктуу келечек үчүн өлчөйбүз" деген ураан астында жүрүүдө. Евразия экономикалык комиссиясы өз ыйгарым укуктарынын алкагында аталган ураанды жүзөгө ашырууга кошулат.
