ЕАЭБдин өнөр жай саясаты боюнча Кеңешинин отуруму "Иннопром. Беларусь" көргөзмөсүнүн алкагында болуп өттү

29.09.2025

Евразия экономикалык бирлигинин өнөр жай саясаты боюнча кеңешинин отурумунда "Иннопром. Беларусь" көргөзмөсүнүн алкагында ЕАЭБде өнөр жай кооперациясына каржылык көмөк көрсөтүү механизмин ишке ашыруунун жүрүшү, Бирлик мамлекеттеринин жарандык авиация, кеме куруу, темир жолдун кыймылдуу курамын өндүрүү жана жүргүнчүлөрдү ташуучу дөңгөлөк техникасы жаатында кызматташтыгынын келечектүү багыттары, ошондой эле "ЕАЭБ өнөр жайы" тематикалык порталын түзүү талкууланды.

"Бирликтин ар бир өлкөсүндө өндүрүштү өнүктүрүүнүн улуттук стратегиялары жана программалары иштейт. Комиссиянын субсидиясы улуттук колдоо чаралары менен бирге колдонулушу мүмкүн. Бул ыйгарым укуктуу ведомстволорго мамлекет жана өкмөт башчыларынын демилгелерин каржылык көмөк көрсөтүү механизминин каражаттарын тартуу менен ишке ашырууга мүмкүндүк берет", – деп белгиледи Евразия экономикалык комиссиясынын өнөр жай жана агроөнөр жай комплекси боюнча министри Гоар Барсегян.

Көргөзмөнүн программасынын алкагында Гоар Барсегян Россия менен Беларустун "Герофарм" жана "Белмедпрепараттары" фармацевтикалык компанияларынын ортосунда социалдык-маанилүү дары препараттарын локалдаштыруу боюнча негизги коммерциялык шарттарга кол коюу аземине катышты.

"Фармацевтика тармагында дары коопсуздугун жана технологиялык эгемендүүлүктү камсыз кылуу маселелери евразиялык "бешилтик" өлкөлөрү үчүн актуалдуу бойдон калууда жана эң жогорку деңгээлде активдүү талкууланууда", – деп белгиледи ЕЭК министри.

"Герофарм" ЖЧК менен "Белмедпрепараттары" РУИ ортосундагы кызматташтык ЕЭКтин аянтчасында 2023-жылы түзүлгөн.

Скачать исходники фотографий