«Անցյալ տարի Հանձնաժողովի որոշումների նախագծերի հանրային քննարկման շրջանակներում ձեռնարկատերերի առաջարկությունների ընդհանուր քանակն ավելացել է 29%-ով, – նշել է ԵՏՀ տնտեսության և ֆինանսական քաղաքականության հարցերով նախարար Բակիտժան Սագինտաևը: – Դա հաստատում է Միության երկրների գործարար և փորձագիտական համայնքի կողմից ԿԱԳ ընթացակարգի պահանջվածության մակարդակի աճը»։
Ընդ որում, բիզնես համայնքի առաջարկների հաշվառման բաժինը կազմել է գրեթե 70%, այսինքն ՝ Հանձնաժողովը Միության շրջանակներում վերազգային կարգավորում սահմանելիս ուշադիր լսում է գործարար շրջանակների կարծիքը։ Դրական եզրակացությունների թիվը կազմում է 87%։ Սա հաստատում է, որ Հանձնաժողովի կողմից ընդունվող որոշումների գերակշռող մեծամասնությունն ուղղված է Միությունում բիզնեսի վարման պայմանների բարելավմանը։
2021 թվականին այդ գործիքի հետագա կատարելագործման համար Մինչև 2025 թվականը եվրասիական տնտեսական ինտեգրացիայի զարգացման ռազմավարական ուղղությունների իրագործման շրջանակներում նախապատրաստվել, համաձայնեցվել և ստորագրվել են պետությունների ղեկավարների կողմից Միության մասին պայմանագրում փոփոխություններ, որոնք նախատեսում են Հանձնաժողովի ընդունված որոշումների փաստացի ազդեցության գնահատման մեխանիզմի ներդրում և ԿԱԳ ընթացակարգի տարածում ԵԱՏՄ շրջանակներում միջազգային պայմանագրերի նախագծերի վրա:
Տեղեկանք
ԿԱԳ-ը ձեռնարկատիրական գործունեության վարման պայմանների վրա ԵՏՀ որոշումների նախագծերի ազդեցության գնահատման ընթացակարգ է, դրա անցկացման ժամանակ հաշվի է առնվում Միության երկրների բիզնեսի դիրքորոշումը:
ԿԱԳ-ի ընթացակարգը բաղկացած է երկու փուլից. ընթացիկ գնահատումից՝ ԵՏՀ-ի որոշման նախագծի՝ Միության կայքում 30 օրացուցային օրվանից ոչ պակաս տևողությամբ հանրային քննարկումից և ամփոփիչ գնահատումից՝ ԵՏՀ-ի հատուկ ստեղծված աշխատանքային խմբի կողմից ԿԱԳ-ի մասին եզրակացության նախապատրաստումից։